Skip to the content

زانیاری

لەم پەڕەیە ئەم زانیارییانە بەدەستدێنیت:

زانیاری بۆ گەشتیاران

بە مەبەستی رێگەگرتن لە بڵاوبوونەوەی ڤایرۆسی کۆڕۆنا لە هەرێمی کوردستان:

  • نیشتەجێبوو یان ئەو گەشتیارانەی کە دێنە ھەرێمی کوردستان، پێویستە یان پشکنینی ڤایرۆسی کۆڕۆنا لە جۆری (PCR) بەر لە ٤٨ کاتژمێر بەر لە ھاتنیان ئەنجام بدەن، یاخود لە کاتی گەیشتنیان بۆ فڕۆکەخانەکانی هەرێمی کوردستان پشکنینەکەیان بۆ ئەنجام دەدرێت و تێچوویەکەی دەکەوێتە سەرشانی خۆیان.
  • پێویستە سەرجەم نیشتەجێبوو یان گەشتیارە ھاتووەکان بەڵێننامەیەک پڕبکەنەوە کە بۆ ماوەی ١٤ رۆژ خۆیان کەرەنتین بکەن، لە دوای گەیشتنیان بۆ ھەرێمی کوردستان.
  • ئەگەر پێگیر نەبن بەو بەڵێننامەیە بە بڕی (١،٠٠٠،٠٠٠) یەك ملیون دینار پێبژاردن دەدەن، و ئەگەر پشكنینیان پوزەتیڤ دەرچوو و كەسی تریان تووش كرد ئەوا سەرجەم تێچووی چارەسەری ئەو كەسانە لەسەر ئەركی ئەوان دەبێت، زێدەباری ئەو رێكاره یاساییانەی كە بەرامبەریان دەگیرێنەبەر بە پێی هەر دوو ماددەی (٣٦٨-٣٦٩) لە یاسای سزادانی عێراقی ژمارە ١١١ ساڵی ١٩٦٩ی هەموارکراو.
  • ھەریەک لە شاندی فەرمی، خاوەنکار و ئەو گەشتیارانەی بۆ ماوەیەکی کورت دێنە کوردستان، ئەم خاڵەی سەرەوە (خۆ کەرەنتینکردن بۆ ماوەی ١٤ رۆژ) نایانگرێتەوە.

زانیاری بۆ هاووڵاتیانی هەرێمی کوردستان

هاووڵاتیانی نیشتەجێی هەرێمی كوردستان لە کاتی گەڕانەوەیان بۆ هەرێمی کوردستان گشت رێنماییەکانی سەرەوەیان بەسەرا جێبەجێ دەکرێت پێش ئەوەی مۆڵەتی هاتنە ژوورەوەیان بۆ ناو هەرێمی کوردستان پێبدرێت.

ئەم هەنگاوانە دەگیرێنەبەر بۆ پاراستنی تەندروستی خۆت و گەشتیارانی تر و هاووڵاتیانی هەرێمی کوردستان.

گەڕانەوەی هاووڵاتی عێراقی و بیانی بۆ هەرێمی کوردستان
  • ئەو كەسە بیانیانەی كە وەك ماموستا لە قوتابخانە و پەیمانگا و زانكوكانی هەرێمی كوردستان كار دەكەن رێگایان پێ دەدرێت بگەرێنەوە هەرێمی كوردستان بە مەرجێك نشینگەی هەرێمی كوردستانیان هەبێت و وەزارەتی پەیوەندیدار پشتگیریان بكات.

  • وەبەرهێنەرانی بیانی و بازرگانان و فەرمانبەرانی بیانی بانكەكان رێگەیان پێ دەدرێت بگەرێنەوە هەرێمی كوردستان بە بە مەرجێك نشینگەی هەرێمی كوردستانیان هەبێت و وەزارەتی پەیوەندیدار پشتگیریان بكات.

  • ئەو هاووڵاتیانەی هەڵگری پاسپۆرتی عێراقین کە لە دەرەوەی هەرێمی کوردستانن و بە هۆی ئەو گەشتانە دەگەڕێنەوە کە لە لایەن فەرمانگەی پەیوەندییەکانی دەرەوە رێک دەخرێن لە هەر دوو فرۆكەخانەی نێودەوڵەتی هەولێر و سلێمانی و ئەوانەی لە دەروازە سنورییەكانی (ابراهیم خلیل و حاجی ئومەران و باشماخ) دەگەرێنەوە بە پێی رێنماییەکان لە سەر ئەرکی خۆیان کەرەنتین دەکرێن جگە لە:
    • قوتابیان کە بۆ مەبەستی خوێندن لە دەرەوە بوون.
    • نەخۆشەکان کە پاڵپشتی نەخۆشخانەکانیان هەیە و بۆ مەبەستی وەرگرتنی چارەسەری گەشتیان لە ماوەی دوو مانگی رابردوودا کردبیت.
  • ئەو هاووڵاتیە بیانیانەی كە بە پێی رێنماییەکان دیاری كراوە لە رێگای فرۆكەخانەكانی هەرێم یان دەروازەى سنوری ابراهیم خلیل دەگەرێنەوە هەرێمی كوردستان لەسەر ئەركی خۆیان كەرەنتین دەكرێن.

  • ئەو عێراقی و بیانیانەی كە لەم وڵاتانەی خوارەوە دێنە هەرێمی كوردستان لە كاتی گەیشتنیان بۆ دەروازە سنورییەكانی هەرێمی كوردستان ئەگەر (٣٠) رۆژ پێش گەشتنیان لەو وڵاتانە بووبن ئەوا دوای پشكنینی سەرەتایی، پێویستە ببرێن بۆ كەرەنتینەكان تا تێپەربوونی ئەو ماوەیەی كە وەزارەتی تەندروستی دەستنیشانى كردووە:

بەلجیكا

هنگاریا

كرواتیا

قبرص

دانیمارك

ئەستونیا

ئەلمانیا

فەرەنسا

یۆنان

ئەلبانیا

لیتوانیا

لۆكسەمبورگ

مالتا

هۆڵەندا

چیك

پۆلەندا

پۆرتوگال

رۆمانیا

سلۆڤاكیا

سلۆفینیا

فینلاند

سویسرا

ئیسپانیا

سوید

بۆسنیا و هەرزەگۆڤینا

بەریتانیا

ئێرلەندا

سكوتلندا

نەرویج

سربیا

مۆنتینیگرۆ

بولگاریا

نەمسا

 

  • ئەم بڕیارەی سەرەوە دیپلوماتكارەكان و شاندە فەرمییە بیانییەكان ناگرێتەوە و لە دەروازە سنورییەكان بە رێزەوە پێشوازیان لێ دەكرێت و پشكنینی سەرەتایيان بۆ دەكرێت بەلام پێویستە بڕوانامەی تەندروستی (Medical Clearance ) یان پێبێت كە هەڵگری ڤایرۆسی كۆرۆنا نین.
  • داوا لە هاووڵاتیانی كوردستان دەكەین كە نیشتەجێ وڵاتانی ئەوروپان کە نەگەڕێنەوە بۆ هەرێمی كوردستان بۆ جەژنی نەورۆز، لە بەر ئەوەی هەموو جۆرە ئاهەنگ و گردبوونەوەیەک لە نەورۆز ڕاگیراوە.