سەرۆكی حكومەت یەکەمین ستراتیژی وەرچەرخانی دیجیتاڵیی حكومەتی ڕاگەیاند، کە لەلایەن فەرمانگەی تەکنەلۆجیای زانیارییەوە پەرەی پێدراوە.

یەکەمین داتاسەنتەری حکومەت لەلایەن مەسرور بارزانی سەرۆکی حکومەتی هەرێمەوە کرایەوە.

بە مەبەستی پێکەوە كارکردن لەسەر باشترکردن و چاكسازی لە سیستەمی پاراستنی كۆمەڵایەتیدا لە هەرێمی كوردستان، فەرمانگەی تەکنەلۆجیای زانیاریی حکومەتی هەرێمی کوردستان نامەی لێکتێگەیشتنی لەگەڵ بەرنامەی خۆراكی جیهانیی (WFP) سەر بە نەتەوە یەكگرتووەكان  لە عێراق واژوو کرد 

بە مەبەستی خستنەڕووی هەنگاوەکانی پڕۆسە و ستراتیجیای بەدیجیتاڵکردنی حکومەتی هەرێمی کوردستان، فەرمانگەی تەکنەلۆجیای زانیاری بەشداری کرد لە سێیەمین پێشانگەی تەکنەلۆجیای هایتێکس ٢٠٢٢ .

فەرمانگەی تەکنەلۆجیای زانیاری ژێرخانی دیجیتاڵی دابین دەکات بۆ ژمارەیەک لە سیستەم و نەرمەواڵەی دامودەزگاکانی حکومەتی هەرێمی کوردستان لە داتاسەنتەری ناوەندیی حکومەت

فەرمانگەی تەکنەلۆجیای زانیاری کۆنگرەیەکی ڕێکخست لە بارەی وەرچەرخانی دیجیتاڵیی حکومەتی هەرێمی کوردستان کە تێیدا پلان و سیستمەکانی حکومەت بۆ وەرچەرخانی دیجیتاڵی و ئاستەنگ و بەربەستەکانی پڕۆسەی بەدیجیتاڵکردنی خستەڕوو.

فەرمانگەی تەکنەلۆجیای زانیاری بە شێوەیەکی بەردەوام پاڵپشتی تەکنیکی  بۆ گشت دامەزراوەکانی حکومەتی هەرێمی کوردستان فەراهەم کردووە . 

فەرمانگەی تەکنەلۆجیای زانیاری خولی ڕاهێنانی کردووەتەوە بۆ بەکارهێنەرانی سیستەمەکانی بەڕێوەبردنی دارایی کوردستان، ناسینەوەی بایۆمەتری، و بەڕێوەبردنی نووسراوەکان لە دامەزراوەکانی حکومەتی هەرێمی کوردستان