ئەمڕۆ سێ شەممە ٢٠٢١/٣/١٦ بەبۆنەی جەژنی نەورۆز و سەری ساڵی نوێی کوردییەوە، ڕۆژانی یەکشەممە، دووشەممە و سێشەممەی هەفتەی داهاتوو کە دەکاتە ٢١و ٢٢و ٢٣ ی ئاداری ٢٠٢١، بەپێی ڕۆژمێری فەرمی حکومەتی هەرێمی کوردستان لە تەواوی دامەزراوەکانی حکومەت، پشووی فەرمییە.

دوای كۆبوونه‌وه‌ی ئه‌نجوومه‌نی وه‌زیران له‌ رێككه‌وتی 10/3/2021 ،د.جوتیار عادل گوته‌بێژی حكوومه‌تی هه‌رێمی كوردستان،له‌ كۆنگره‌یه‌كی رۆژنامەوانیدا گرینگتریرین ئه‌و ته‌وه‌رانه‌ی خسته‌ ڕوو كه‌ له‌ كۆبوونه‌وه‌كه‌دا‌ خرابوونە به‌رباس و گفتو گۆی له‌سه‌ر كرابوو.

ئەمڕۆ چوارشەممە 2021/3/10 لیژنه‌ی باڵای به‌ره‌نگاربوونه‌وه‌ی ڤایرۆسی كۆرۆنا له‌ هه‌رێمی كوردستان كۆبۆوه‌، له‌ سه‌ره‌تای كۆبوونه‌وه‌كه‌دا وه‌زاره‌تی ته‌ندروستی راپۆرتێكی تێروته‌سه‌لی ده‌رباره‌ی بڵاوبوونه‌وه‌ی ڤایرۆسی كۆرۆنا خسته‌ڕوو.

د. جوتیار عادل گوتەبێژی حكومەتی هەرێمی كوردستان رۆژی دووشەممه (18) كانوونی دووەمی 2021، بە مەبەستی گەیاندنی پەیام و پلانی میدیایی حكومەت و ئاگاداربوون لە رەوشی كشتوكاڵ سەردانی بێگەرد تاڵەبانی وەزیری كشتوكاڵ و سەرچاوەكانی ئاوی كرد.

د. جوتیار عادل گوتەبێژی حكومەتی هەرێمی كوردستانی ئەمڕۆ دووشەممه 2021/1/11 بۆ ئاگادار بوون لە كار و چالاكی و پرۆژەكانی وەزارەتی كارەبا و هەروەها گەیاندنی پەیامی حكومەت بۆ باشتر گەیاندنی خزمەتگوزاریی بە هاووڵاتیان و پێشخستنی راگەیاندنی حكومەت لەمبارەوە سەردانی كەماڵ محەمەد ساڵح وەزیری كارەبای كرد.

بەپێی ئەم خشتەیەی خوارەوە، حکومەتی ھەرێمی کوردستان لە ساڵی 2020دا، (8) مووچەی بەسەر مووچەخۆرانی ھەرێمی کوردستاندا دابەشکردووە. لەو (8) مووچەیەش حکومەتی فیدراڵ تەنیا (6) مووچەی بۆ ھەرێمی کوردستان ناردووە.