پەیاما حکومەتا ھەرێما کوردستانێ ب مناسبەتا چارشەما سۆر و ھاتنا سالا نوویا ئێزدیان

هەولێر ، هەرێمی كوردستان ، عیراق (GOV.KRD)- رۆژا چارشەمێ، 14 نیسانا 2021، جەژنا "چارشەما سۆر" و سەرێ سالا ئێزدیانە، لەوما ئەم ب گەرمی ل خوشک و برایێن ئێزدییێن کوردستانێ و جیھانێ پیرۆز دکن و ئەم ھێڤیدارن سالەکا پڕ خوەشی و شاھی بە.

کوردستانیێن ئەزیز ب تەڤاھی و خاسما خوشک و برایێن ئێزدی د ڤان چەند سالێن بۆری دا کەڤتنە رەوشەکا نەخواستی و ب مخابنی ڤە دەستێ رەشێ تیرۆرستێن داعشێ دخواست کو ھێڤی و خوەشیان ل ھەرێما مە نەھێلە، لێ ئەڤ ئەورێ رەش ب سەروەری و ئازاتیا ھێزێن پێشمەرگە و ھەڤپەیمانان ھات ڤەرەڤاندن و تیرێژا ھێڤیێ و ژیانێ دیسا ل مە ھەمیان ڤەگەریا.

د ڤێ چارشەما پیرۆز دا، ئەم گەلەک ژ دل لاڤایان ژبۆ بەختەوەری و سلامەتیا ئێزدیان و وان کچێن بێگونەھ دکن کو بوونە قوربانیێن دەستێن رەشێن تیرۆرستان و ئەم ھێڤیدارن کو ژبۆ سەر ئاخا خوە و ناڤ مالباتێن خوە و لالشا سەربلند بێن ڤەگەراندن.

زێدەبارێ ڤان ھەمی تشتان، پەژیکا کۆرۆنایێ ژی ژیانا ھەموو دنیایێ سست کریە، لەوما پێدڤییە کو ئەم دناڤ قەرەبالخی و جەژن و ڕێوڕەسمان دە پابەندێ رێنمایێن ساخلەمیێ بن دا کو ئەم ب ڤێ رێیێ بکارن بەردەوام دگەل خوەشتڤیێن خوە بن.
دوبارە سەرێ سالا نوویا ئێزدیان ب خێر بێت و دەستێن لاوان ژی تژی گولێن بھاری بن ل بەرانبەری پەرستگەھا لالشێ.

د. جوتیار عادل
بەردەڤکێ حکومەتا ھەرێما کوردستانێ
13 نیسانا 2021