سەرۆکی دیوانی ئەنجومەنی وەزیران پێشوازی لە کونسولی گشتیی شانشینی ئوردن لە ھەرێمی کوردستان دەکات
هەولێر، هەرێمی کوردستان (GOV.KRD)- ئەمڕۆ پێنجشەممە ٨ـی کانوونی یەکەمی ٢٠٢٢، د.ئومێد سەباح، سەرۆکی دیوانی ئەنجومەنی وەزیران،پێشوازی لە فوئاد خازر ئەلمجالی و شاندی یاوەری کرد.
لە دیدارەکەدا باس لە پەیوەندی مێژوویی نێوان ھەرێمی کوردستان و شانشینی ئوردن کرایەوە، بەردەوامی پەیوەندیەکان و ھەماھەنگی لە ھەموو بوارەکاندا بە جەختی لێکرایەوە.
ھەر لە کۆبوونەوەکەدا سەرۆکی دیوانی ئەنجومەنی وەزیران ئامادەیی ھەرێمی کوردستانی نیشاندا بۆ بەردەوامی پەیوەندی و ھەماھەنگیەکانی نێوان ھەردوولا.
