د.ئومێد سەباح پێشوازی لە کونسوڵی گشتیی تورکیا لە هەولێر دەکات
![](/media/21582/2023-08-15-at-154914.jpg?anchor=center&mode=crop&width=1200&height=630&rnd=133433190830000000)
ڕۆژی سێشەممە ١٥ـی ئابی ٢٠٢٣، د. ئومێد سەباح، سەرۆکی دیوانی ئەنجومەنی وەزیران، پێشوازی لە مەمەت مەولود یاکوت، کونسوڵی تورکیا لە هەولێر کرد.
لە دیدارێکدا باس لە هەماهەنگی و پەرەپێدانی زیاتری پەیوەندییەکانی نێوان هەرێمی کوردستان و دەوڵەتی تورکیا کرا.
جوڵە بازرگانییەکانی نێوان ھەرێمی کوردستان و دەوڵەتی تورکیا و دوایین پێشهاتە سیاسی و ئابورییەکانی هەرێم و پرۆسەی سیاسی عێراق و پەیوەندییەکانی نێوان حکومەتی فیدراڵی و حکومەتی ھەرێمی کوردستان لەو تەوەرانە بوون کە لە دیدارەکەدا باسیان لێوەکرا.
ھەر لەو دیدارە کێشەو گرفتەکانی هاووڵاتیان و پرسی کۆمپانیانی هەرێم و تورکیا باسیان لێوەکرا.