د.ئومێد سەباح لە گەڵ شاندێکی کونسوڵخانەی ئەمریکا لە هەولێر کۆبووەوە
![](/media/17912/img-20230122-wa0005.jpg?anchor=center&mode=crop&width=1200&height=630&rnd=133433190620000000)
ئەمڕۆ یەکشەممە رێکەوتی ٢٢ی کانوونی یەکەمی ٢٠٢٣، د.ئومێد سەباح سەرۆکی دیوانی ئەنجومەنی وەزیران، لەگەڵ زەهرا بێڵ، جێگری کۆنسوڵی گشتی ئەمەریکا لە هەرێمی کوردستان و هێث بەیلی، سەرۆکی یەکەی ئابووری و ڤەهێڵ ئامێدی، پسپۆر لە بواری ئابوری و وزە کۆبووەوە.
لە کۆبونەوەکەدا، پەیوەندی بەردەوامی نێوان حکومەتی هەرێمی کوردستان و ئەمریکا بەرز نرخێندرا و بە گرنگیەوە باسی هاوکارییەکانی ئەمریکا بۆ حکومەتی هەرێمی کوردستان کرا .
هەر لە کۆبوونەوەکەدا باس لە دواین سەردانی شاندی باڵای کۆشکی سپی بۆ بەغدا و هەرێمی کوردستان کرا، هەروەها دواین سەردانی شاندی حکومەتی هەرێمی کوردستان بە سەرۆکایەتی مەسرور بارزانی، سەرۆکی حکومەتی هەرێمی کوردستان بۆ بەغدا بە مەبەستی چارەسەرکردن و ڕێکەوتن لەسەر کێشەکانی نێوان هەولێر و بەغدا کرا .
لە تەوەرێکی دیکەی کۆبوونەوەکەدا تاوتوێی دواین کارەکانی نێوان هەردوو حکومەتی هەرێمی کوردستان وعێراقی فیدراڵ کرا بۆ پێکهێنانی بودجەی ٢٠٢٣ و داڕشتنی ڕەشنووسی یاسای نەوت و غازی عێراق و جەخت لەسەر ڕێکەوتن و چارەسەری کيشەکان لەسەر بنەمای دەستور کرایەوە .