سەرۆکی دیوانی ئەنجومەنی وەزیران پێشوازی لە کونسوڵی گشتی ئێران لە ھەولێر دەکات
![](/media/20938/img-20230710-wa0011.jpg?anchor=center&mode=crop&width=1200&height=630&rnd=133433190790000000)
ڕۆژی دووشەممە ١٠ـی تەمموزی ٢٠٢٣، د.ئومێد سەباح،سەرۆکی دیوانی ئەنجومەنی وەزیران ، پێشوازی لە نەسروللە رەشنودی کونسوڵی گشتی ئێران لە ھەولێر و شاندی یاوەری کرد.
لە دیدارەکەدا باس لە پەیوەندییەکان و هەماهەنگی نێوان ھەرێمی کوردستان و کۆماری ئیسلامی ئێران لە بواری بازرگانی و کشتوکاڵ و وەبەرھێناندا کرا.
ھەر لە دیدارەکەدا بەردەوامیدان بە پەیوەندییەکانی نێوان ھەرێمی کوردستان و کۆماری ئیسلامی ئێران لە بوارە جیاجیاکانی وەبەرھێنان و بازرگانی و کشتوکاڵ و بەجێگەیاندنی پڕۆژەی خزمەتگوزاری جەختی لێکرایەوە.