تیمی باڵای هەرێمی کوردستان لە بەغدا لەگەڵ تیمی باڵای حکومەتی عێراق کۆدەبێتەوە

ئەمڕۆ دووشەممە ١٧ـی تەمموزی ٢٠٢٣ تیمی باڵای هەرێمی کوردستان بە سەرپەرستی د. ئومێد سەباح، سەرۆکی دیوانی ئەنجومەنی وەزیران لە بەغدا لەگەڵ تیمی باڵای حکومەتی عێراق کۆبوونەوە.

لە دیدارەکەدا گفتوگۆکرا لەبارەی شێوازی جێبەجێکردنی برگەکانی تایبەت بە پابەندبوونی هەرێمی کوردستان و دابینکردنی ماف و شایستە داراییەکانی هەرێمی کوردستان لە بودجەی گشتی ئیتیحادی دا.

لە کۆبوونەوەکەدا بڕیار دراوە کە کارکردن لەگەڵ وەزارەتی دارایی و وەزارەتی نەوت و چاودێری دارایی عێراق بەردەوام دەبن و بڕیار وایە لە چەند ڕۆژی داهاتوو کۆبوونەوەی باڵا ئەنجام بدرێت..