سەرۆکی دیوانی ئەنجومەنی وەزیران پێشوازی لە سەرۆکی نوێی ڕێکخراوی UNDP لە عێراق دەکات

ڕۆژی دووشەممە ٣١ـی تەمموزی ٢٠٢٣، سەرۆکی دیوانی ئەنجومەنی وەزیران پێشوازی لە ئۆکی لۆگسمان، سەرۆکی ڕێکخراوی UNDP و شاندی یاوەری کرد.

وێڕای بەخێرهێنانی سەرۆکی نوێی ڕێکخراوی UNDO و شاندی یاوەری، پیرۆزباییشی لە سەرۆکی رێکخراوەکە کرد و هیوای سەرکەوتنی لەم ئەرکە نوێیەدا بۆ خواست.

لە دیدارەکەدا، هەنگاوەکان و هەوڵی ڕێکخراوی ناوبراو لە پڕۆژەکانی پەرەپێدان کە لە نێوان حکومەتی هەرێم و ڕێکخراوی ناوبراو ئەنجامدراون، تاوتوێ کران ا بەردەوامی کار و هەنگاوەکانیان بە بایەخەوە باسکرا، پشتیوانی حکومەتی هەرێم بۆ کاروبارەکانی رێکخراوەکە دووپاتکرایەوە.

پرسی گۆڕانی کەشوهەوا کە ئێستا پرسێکی جیهانییە و پاڵپشتی پەیمانگەی دادوەری و هەنگاوەکان لە هەرێمی کوردستان بۆ پێشخستنی ئەم سێکتەرە و رووبەرووبوونەوەی گەندەڵی و هەوڵ و کردارەکانی حکومەتی هەرێم بۆ چاکسازی تەوەرێکی دیکەت دیدارەکە بوون.