سەرۆکی دیوانی ئەنجومەنی وەزیران پێشوازی لە شاندێکی باڵای ئەمەریکا دەکات
![](/media/20979/img_0944.jpeg?anchor=center&mode=crop&width=1200&height=630&rnd=133433190790000000)
ڕۆژی چوارشەممە ١٢ـی تەموزی ٢٠٢٣، د.ئومێد سەباح، سەرۆکی دیوانی ئەنجومەنی وەزیران پێشوازی لە جێنیرال پیتەر بەرپرسی جێگری فەرماندەی هێزی هاوبەشی یەکگرتووی ئەمەریکا و شاندی یاوەری کرد.
وێرای بەخێرهێنانی شاندی میوان، جەختکردنەوە لە هەماهەنگی و پەیوەندی بەردەوامی نێوان حکومەتی هەرێم و حکومەتی ئەمەریکا، لە دیدارەکەدا بە گرنگەوە لە یاداشتنامەی لێکتێگەیشتن لە نێوان وەزارەتی پێشمەرگە و وەزارەتی بەرگری ئەمەریکا کە واژووکراوە ڕوانرا، هەردوولا هاوڕابوون لەسەر جێبەجێکردنی خاڵەکانی نێو یاداشتنامەکە و پشتیوانی حکومەتی هەرێم بۆ هەنگاوەکانی جێبەجێکردن دووپاتکرایەوە.