سەرۆکی دیوانی ئەنجومەنی وەزیران پێشوازیی لە کونسوڵی بەریتانیا لە هەولێر کرد
![](/media/20574/whatsapp-image-2023-06-18-at-155907.jpg?anchor=center&mode=crop&width=1200&height=630&rnd=133433190790000000)
ڕۆژی یەکشەممە ١٨ـی حوزەیرانی ٢٠٢٣، د.ئومێد سەباح، سەرۆکی دیوانی ئەنجومەنی وەزیران، پێشوازیی لە خاتوو ڕۆزی کەیڤ کونسوڵی گشتیی بەریتانیا لە هەولێر و شاندی یاوەری کرد.
لە دیدارەکەدا وێڕای بەخێرهێنانی شاندی میوان، جەخت لە هەماهەنگی و پەیوەندییەکانی حکومەتی هەرێم و حکومەتی بەریتانیا کرایەوە، پاڵپشتیی حکومەتی بەریتانیا بۆ حکومەتی هەرێم دووپات کرایەوە.
لە دیدارەکەدا گۆرانکارییەکانی نێو پڕۆسەی سیاسیی عێراق و پەیوەندییەکانی نێوان حکومەتی هەرێم و حکومەتی عێراق و پەسەندکردن و میکانیزمەکانی جێبەجێکردنی پڕۆژەیاسای بودجەی عێراق لە ئەنجومەنی نوێنەرانی عێراق تاووتوێ کران.