سەرۆکی دیوانی ئەنجومەنی وەزیران پێشوازی لە کونسوڵی گشتیی تورکیا لە هەولێر دەکات
![](/media/22956/img-20231019-wa0005.jpg?anchor=center&mode=crop&width=1200&height=630&rnd=133433190900000000)
ڕۆژی پێنجشەممە ١٩ی تشرینی یەکەمی ٢٠٢٣، د.ئومێد سەباح، سەرۆکی دیوانی ئەنجومەنی وەزیران، پێشوازی لە مەمەت مەولود یاکوت، کونسوڵی گشتی تورکیا لە هەولێر و شاندی یاوەری کرد.
لە دیدارەکەدا باس لە هەماهەنگی و پەرەپێدانی زیاتری پەیوەندییەکانی نێوان هەرێمی کوردستان و تورکیا کرا.
لەکۆبوونەوەکەدا دوایین پێشهاتە سیاسی و ئابورییەکانی هەرێم و گفتوگۆ و پەیوەندییەکانی نێوان حکومەتی فیدراڵی و حکومەتی هەرێم و پرسی دەستپێکردنەوەی هەناردەی نەوتی هەرێمی کوردستان تاووتوێ کران.
پرسی بایەخدانی زیاتر بە کەرتی پەروەردە و ڕۆڵبینینی حکومەتی هەرێمی کوردستان لە پێشخستنی ئەم کەرتەدا و هەماهەنگی زیاتر بۆ پێشخستنی کەرتی پەروەردە جەختی لێکرایەوە.