سەرۆکی دیوانی ئەنجومەنی وەزیران پێشوازی لە کونسوڵی گشتی فەرەنسا دەکات
![](/media/22838/img_1212.jpeg?anchor=center&mode=crop&width=1200&height=630&rnd=133433190900000000)
ڕۆژی دووشەممە ١٦ی تشرینی یەکەمی ٢٠٢٣، د.ئومێد سەباح، سەرۆکی دیوانی ئەنجومەنی وەزیران، پێشوازی لە رۆدۆلف ریچارد، کونسوڵی گشتی فەرەنسا و شاندی یاوەری کرد.
لە دیدارەکەدا دوایین پێشهاتی سیاسی و ئەمنییەکان لە هەرێمی کوردستان و عێراق و ناوچەکە و پەیوەندی و گفتوگۆکانی نێوان هەرێمی کوردستان و حکومەتی فیدراڵ بۆ چارەسەربوونی کێشەکان تاووتوێ کران.
لە کۆبوونەوەکەدا تیشک خرایە سەر هەماهەنگی و پەیوەندی بەردەوامی نێوان حکومەتی هەرێم و گەل و حکومەتی فەرەنسا و جەخت لە بەردەوامبوون و پتەوکردنی پەیوەندییەکانی نێوان هەردوولا کرایەوە.