سەرۆکی دیوانی ئەنجومەنی وەزیران پێشوازی لە کونسوڵی گشتیی ئەمەریکا لە هەولێر کرد
![](/media/28118/whatsapp-image-2024-07-22-at-205902_01bcc7f6.jpg?anchor=center&mode=crop&width=1200&height=630&rnd=133661449170000000)
ڕۆژی دووشەممە (22ـی تەمووزی 2024)، د.ئومێد سەباح، سەرۆکی دیوانی ئەنجومەنی وەزیران، پێشوازی لە مارک سترۆ، کونسوڵی گشتیی ئەمریکا لە هەولێر و شاندی یاوەری کرد.
لە دیدارەکەدا وێڕای جەختکردنەوە لە هەماهەنگی و پەیوەندییەکانی هەرێمی کوردستان و ویلایەتە یەکگرتووەکانی ئەمەریکا، گفتوگۆ کرا لەبارەی پرسە ناوخۆییەکان و دوایین پێشهاتە سیاسییەکان و بەرەوپێشچوونی پەیوەندییەکانی حکومەتی هەرێم و بەغدا و دوالێکتێگەیشتنەکانی ئەم دواییە بۆ چارەسەری پرسەکانی نێوان هەرێم و بەغدا.
لای خۆیەوە، کونسوڵی گشتیی ئەمەریکا، دووبارە پاڵپشتیی خۆیانی بۆ حکومەتی هەرێم دووپات کردەوە و بەرەوپێشچوونی گفتوگۆکانی حکومەتی هەرێم و حکومەتی عێراق و بەردەوامبوونی دیالۆگی بۆ چارەسەری کێشەکانی نێوان هەردوولا لە ڕێگەی دەستوورەوە بە پێویست زانی، بە سوپاسەوە باس لە هەڵوێست و پاڵپشتیی ئەمریکا بۆ حکومەتی هەرێمی کوردستان کرا.