سەرۆکی دیوانی ئەنجومەنی وەزیران پێشوازی لە کونسوڵی گشتیی فەرەنسا لە هەولێر دەکات
![](/media/25901/img-20240327-wa0032.jpg?anchor=center&mode=crop&width=1200&height=630&rnd=133560317630000000)
ڕۆژی چوارشەممە، 27ی ئاداری 2024، د. ئومێد سەباح، سەرۆکی دیوانی ئەنجومەنی وەزیران، پێشوازی لە یان برێم، کونسوڵی گشتیی فەرەنسا لە هەولێر کرد.
لە کۆبوونەوەکەدا بیرورا لەبارەی دوایین گۆڕانکاری و پێشهاتە سیاسییەکانی عێراق و هەرێمی کوردستان و پەیوەندییە ستراتیژییەکانی نێوان هەرێمی کوردستان و وڵاتی فەرەنسا، پەیوەندییەکانی نێوان هەرێم و بەغدا و چارەسەرکردنی ناکۆکییەکان لە چوارچێوەی دەستور ئاڵوگۆڕ کران.
لە درێژەی کۆبوونەوەکەدا هەردوولا هاوڕابوون لەسەر بەردەوامی و بەهێزکردنی پەیوەندیی مێژوویی و دۆستایەتی، بە سوپاسەوە باس لە ڕۆلی فەرەنسا و پەیوەندییە مێژوویی و ڕاستەقینەکەی کرا و هەروەها هەوڵە بەردەوامەکانی فەرەنسا بۆ گەشەسەندن و پەرەپێدان و سەقامگیری لە ناوچەکە بەرز نرخێنرا.
هەماهەنگی و گەشەسەندنی کەرتی پەروەردە و ئامادەکاری بۆ گۆڕانکاریەکانی کەشوهەوا لە ئاستی جیهان و ناوچەکە و هەماهەنگیی نێوان حکومەتی هەرێم و حکومەتی فەرەنسا لە بواری ئابوری تەوەرێکی دیکەی کۆبوونەوەکە بوون.