سەرۆکی دیوانی ئەنجومەنی وەزیران لەگەڵ کونسوڵی گشتیی ئەمەریکا لە هەولێر کۆدەبێتەوە
![](/media/26406/f366cd32-4086-4231-bb3d-99287747bb1b.jpeg?anchor=center&mode=crop&width=1200&height=630&rnd=133594845710000000)
ڕۆژی دووشەممە 6ـی ئایاری 2024، د.ئومێد سەباح، سەرۆکی دیوانی ئەنجومەنی وەزیران، پێشوازی لە مارک سترۆ کونسوڵی گشتیی ئەمریکا لە هەولێر و شاندی یاوەری کرد.
لە دیدارەکەدا وێرای جەختکردنەوە لە هەماهەنگی و پەیوەندیەکانی هەرێمی کوردستان و وڵاتە یەکگرتووەکانی ئەمەریکا، گفتوگۆ کرا لەبارەی پرسە ناوخۆییەکان و دوایین پێشهات و ئاستەنگەکانی بەردەم پڕۆسەی سیاسیی عێراق و بەرەوپێشچوونی پەیوەندییەکانی حکومەتی هەرێم و بەغدا و دوا لێکتێگەیشتنەکانی ئەم دواییە بۆ چارەسەری پرسەکانی نێوان هەرێم و بەغدا.
لای خۆیەوە کونسوڵی گشتیی ئەمەریکا دووبارە پاڵپشتیی خۆیانی بۆ حکومەتی هەرێم دووپاتکردەوە و بەرەوپێشچوونی گفتوکانی حکومەتی هەرێم و حکومەتی عێراق و بەردەوامبوونی دیالۆگ بۆ چارەسەری کێشەکانی نێوان هەردوولا لە ڕێگەی دەستورەوە بە پێویست زانی و بە سوپاسەوە باس لە هەڵوێست و پاڵپشتی ئەمریکا بۆ حکومەتی هەرێم کرا.