سەرۆکی دیوانی ئەنجومەنی وەزیران پێشوازی لە کونسوڵی گشتی ئەڵمانیا لە هەولێر دەکات

ڕۆژی چوارشەممە 6ی تشرینی دووەمی 2024، د.ئومێد سەباح، سەرۆکی دیوانی ئەنجومەنی وەزیران، پێشوازی لە ئالبێرت فۆن ویتک، کونسوڵی گشتی ئەڵمانیا شاندی یاوەری کرد.

لە دیدارەکەدا دوایین پێشهاتی سیاسی لە هەرێمی کوردستان و عێراق و پەیوەندیی و گفتوگۆکانی نێوان هەرێمی کوردستان و عیراق و سەرکەوتنی پرۆسە دیمکوراسییەکانی هەرێم تاووتوێ کران.

لە کۆبوونەوەکەدا تیشک خرایە سەر هەماهەنگی و پەیوەندی بەردەوامی نێوان حکومەتی هەرێم و گەلی کوردستان و حکومەتی ئەڵمانیا، جەخت لە پتەوکردنی پەیوەندییەکانی نێوان هەردوولا لە بوارە جیاوازەکان کرایەوە.