حکومەتی هەرێمی کوردستان بۆ لابردنی مەترسیيه‌كانى مین و تەقەمەنی، دەزگای گشتی کاروباری مینی ڕاسپاردووە کە سەرجەم کاری مین و تەقەمەنی ڕاپەڕێنێت.

جەبار مستەفا؛ ژمارەی قوربانییانی مین و تەقەمەنی لە سەرتاسەری کوردستان خۆشبەختانە بەراورد بە ساڵی ٢٠٢٣ کەمی کردووە

به‌ مەبەستی لەناوبردنی مین و پاشماوە جەنگیيە نەتەقاوەکان دەزگای گشتيى كاروبارى مین لە هەریەک لە پارێزگه‌کانی هەولێر، سلێمانی و دهۆک، بۆ نەهێشتنی مەترسیيەکانی مین و تەقەمەنی، بە سەدان مین و تەقەمەنی و پاشماوەی جەنگی لەناو دەبات.

دەزگای گشتيی کاروباری مین داوا لە هاووڵاتیيان دەکات لە کاتی بینینی هەر جۆرە مین و تەقەمەنیيەک، لە ناوچە جیاوازەکانی کوردستانەوە، پەیوەندی بە گه‌رمه‌هێڵى بێبه‌رانبه‌رى ژمارە ۱۸۲ى تایبەت بە دەزگای گشتيی کاروباری مینی حکومەتی هەرێمی کوردستانەوە بکەن.

دەزگای گشتيی کاروباری مین لە کابینەی نۆیەمی حکومەتی هەرێمی کوردستان، بەردەوامە لە پاککردنەوەی ناوچە پیسبووەکان بە مین و تەقەمەنی، بۆ ئەو مەبەستە ڕۆژانە لە ڕێگەی تیمەکانی مینلابەریيه‌وه‌ خەریکی پاککردنەوە و لەناوبردنی مین و تەقەمەنین.

له‌و كێڵگه‌مینانه‌دا ژماره‌یه‌كی به‌رچاو مین و ته‌قه‌مه‌نی له‌ناوبراون و هه‌ڵگیراونه‌ته‌وه‌، كه‌ بریتی بوون له‌ هه‌زار و ٤٦٢ مینی دژه‌كه‌سی و مینی دژه‌تانك و (١٢،٩٠٠)، ته‌قه‌مه‌نی نه‌ته‌قاوه‌ی جۆراوجۆر، له‌لایه‌ن تیمه‌كانی مینلابه‌ری هه‌ڵگیراونه‌ته‌وه‌ و له‌ناوبراون.

لە درێژەی هەوڵە بەردەوامەکانی دەزگه‌ی گشتيی کاروباری مین، بۆ پرۆسەی پاکسازيی مین، لە سەرانسەری ناوچە جیاوازەکانی کوردستان، بە دەیان پارچە زەويی پیسبوو بە مین و تەقەمەنی، ڕادەستی خاوەنەکانیان کراونه‌وه‌.

گه‌رمه‌هێڵى ژمارە (۱۸۲) تایبەته‌ بە دەزگای گشتيی کاروباری مینی حکومەتی هەرێمی کوردستان و هاووڵاتیيان دەتوانن بێبەرانبەر پەیوەندی پێوە بکەن و ده‌زگاكه‌ لە هەبوونی مین و تەقەمەنی و پاشماوەی جەنگی ئاگه‌دار بكه‌نه‌وه‌.

لە سنوری ئیدارەی سەربەخۆی سۆران سێ کێڵگەمین دوای پاککردنەوەيان لە مین و تەقەمەنی، ڕادەستی خاوەنەکانیان كرانه‌وه‌.