بە بۆنەی رۆژی جیهانی هۆشیاكردنەوە لە مین و پشتگیریكردنی كاروباری مین ژمارەیەك مین و تەقەمەنی لە گوندی (رەشی وەرێ) سەر بەناحیەی زاوێتە لە پارێزگای دەهۆك دوای هەڵگرتنەوە وپوچەڵكردنەوە لەلایەن تیمەكانی تەقاندنەوە(EOD) سەرجەمی لەناوبران.

ڕۆژی ٢٠٢١/٤/٤ دەزگای گشتی كاروباری مین بە بۆنەی رۆژی جیهانی هۆشیاكردنەوە لە مین و پشتگیریکردنی كاروباری مین ڕاگەیانراوێكی بڵاو كردەوە، كە تێیدا هاتووە: لە رۆژی ٨ی كانوونی یەكەمی ساڵی ٢٠٠٥دا كۆمەڵەی گشتیی نەتەوە یەكگرتووەكان بریاڕی دا رۆژی ٤/٤ بكاتە رۆژێكی جیهانی بۆ ”هۆشیاركردنەوە لە مین و پشتگیریكردنی كاروباری مین “ بۆ یەكەمین جار لە ٢٠٠٦/٤/٤ دا لەلایەن رێکخراوی نەتەوە یەكگرتووەكان و زۆربەی ئەو وڵاتانەی كە گیرۆدەی كێشەی مین و تەقەمەنی بوون یادی ئەو رۆژە كرایەوە، لەو كاتەوە هەموو ساڵێك لەم رۆژەدا لە سەر ئاستی حكومەت و رێكخراوی نەتەوە یەكگرتووەكان و رێكخراوە ناحكومییەكان بە ئەنجامدانی چەند چالاكییەك یادی ئەو رۆژە دەكرێتەوە.

ڕۆژی ٢٠٢١/٤/٣ دەزگای گشتی كاروباری مین بە بۆنەی ٤/٤ ڕۆژی جیهانی هۆشیاركردنەوە لە مین و پاڵپشتی كاروباری مین پەیامی هۆشیاری بڵاوكردەوە، كە بە ئامانجی هۆشیاركردنەوەی هاوڵاتیان و ئاگاداربوون و نزیك نەكەوتنەوە لە ناوچە مەترسیدارەكان، لە سەرجەم بەڕێوەبەرایەتیە گشتییەكانی دەزگای مین لە سنووری پارێزگاكانی كوردستان هەڵواسینی فلێكسی پەیامی هۆشیاركرنەوەی هاوڵاتیان بەرێوەچوو.

ڕۆژی یەكشەممە ٢٠٢١/٣/٢٨ جەبار مستەفا، سەرۆكی دەزگای گشتی كاروباری مین لە ئۆفیسی سەرەكی دەزگای مین لە شاری هەولێر، پێشوازی لە خاتوو (كاترینە) بەڕێوەبەری رێكخراوی (ITF) سلۆڤینی تایبەت بە كاروباری مین لە عێراق كرد.

بە بۆنەی هاتنەوەی جەژنی نەورۆز و سەری ساڵی نوێی كوردی (2721) گەرمترین پیرۆزبایی ئاڕاستەی سەرجەم گەلی كوردستان بەگشتی و پیشەوەرانی مین و كارمەندانی دەزگای گشتی كاروباری مین بەتایبەت دەكەین، هیواخوازین هەموو ساڵ و هەموو كاتێكتان شادی و خۆشی و سەیران بێت.

 ب هەلکفتا بیرەوەریێت ئادارێ و نەوروزێ، رێڤەبەریا گشتی یا کاروبارێن مینا ل دهوکێ تیمێن پەروەردا هشیارکرنێ رابون ب هەوەکا هە لاویستان پوستەرێت ئاگادرکرنێ ژ مەترسیێت مینا ل جهێن گەشت و کوزاری ژبو ئاگادرکرنا هاولاتیا دەمێ سەیرانان.

ئەمڕۆ سێ شەممە 2021/3/16 دەزگای گشتی كاروباری مین بە ئامادەبوونی جەبار مستەفا سەرۆكی دەزگا و بەرێوەبەرەگشتیەكان و فەرمانبەران و كارمەندانی یادی33ساڵەی كارەساتی هەڵەبجە بەرز رادەگرن بەوەستانیان لەبەردەم بینای سەرەكی دەزگای گشتی كاروباری مین وەك رێزگرتنێك لەو ژمارە قوربانیە زۆرەی گەلی كوردستان لەو رۆژە دا.

ئەمڕۆ دووشەممە 2021/3/8 جەبار مستەفا سەرۆكی دەزگای گشتی كاروباری مین بەبۆنەی 8ی مارس رۆژی جیهانی ژنان لەگەڵ بەشێك لە فەرمانبەران و خانمان لە دەزگای مین كۆبوویەوە و پیرۆزبای لە سەرجەم خانمانی جیهان و كوردستان بەتایبەت كرد.

ئەمڕۆ یەک شەممە 2021/3/7 لەسەر فەرمانی جەمال جەلال بەرێوەبەری گشتی کاروباری مین /هەولێر، لە ناحیەی سمیلانی سەر بە قەزای چۆمان و لە چالی تایبەت بە تەقاندنەوە و بە پێی پێوەرە جیھانیەکانی کاروباری مین، تیمی لە ناوبردنی تەقەمەنییەکان بری 5927 پارچە لە مین و پاشماوەی تەقەمەنی جەنگی وەکو قۆناغی دووەم لەناوبرد.

ئەمڕۆ دووشەممە 2021/3/1 جەبار مستەفا سەرۆكی دەزگای گشتی كاروباری مین، بەشداری لە یەكەمین كۆبوونەوەی دانانی بنكەی زانیاری سەرچاوەی كراوە بۆ مین پاكی لە هەرێمی كوردستان كرد، كە لە ئۆفیسی رێكخراوی نێودەوڵەتی (iMMAP)رێكخرابوو. لە دەستپێكی كۆبوونەوەكەدا سەرۆكی دەزگای مین جەختی لە بەرەوپێشبردنی زیاتری بواری كاروباری مین كردەوە لە هەرێمی كوردستان و چۆنیەتی زاڵبوون بەسەر ئەو گیروگرفتانەی رۆژانە رووبەروومان دەبێتەوە، بەئامانجی زیاتر پاكسازی كردن لە كێڵگە مینەكان و پاككردنەوەی خاكی كوردستان لە مەترسیەكانی مین و تەقەمەنی و پاشماوە جەنگییە نەتەقیووەكان.