حکومەتی هەرێمی کوردستان بڕی یەک ملیار و ٥١٢ مليۆن دینار و وەزارەتی خوێندنی باڵا و توێژینەوەى زانستییش بڕی ٢٠٠ ملیۆن دیناری بۆ کردنەوە و بنیاتنانى ژێرخانى کۆلێژەکە تەرخان کردووە.

بە مەبەستى تاووتوێکردنى ئامانج و پەیام و دیدگەى ڕیزبەنديى زانکۆکانى کوردستان (KUR كەى يو ئاڕ)، بە چاودێريى د. ئارام محه‌مه‌د قادر، وەزیرى خوێندنى باڵا و توێژینەوەى زانستى، وۆرکشۆپێکى تایبەت بۆ ئەندامانى ئەنجومەنى وەزارەتى خوێندنى باڵا و توێژینەوەى زانستى بەڕێوە چوو.

د. ئارام محه‌مه‌د قادر، ڕایگەیاند: تاک و کۆمەڵگەى ئازاد، لە ڕێگەى ئازاديى زانکۆکانەوە دروست دەبن، بۆیە کار بۆ سەربەخۆیيى زانکۆکان لە ڕووى ئیدارى و زانستى داراییەوە ده‌كه‌ين، گوتیشى: دەبێت پێکەوە کار بکەین بۆ پاراستنی ناو و ناوبانگی کۆمەڵگەی ئەکادیمی و زانکۆکانمان.

د. ئارام محمد قادر: "بۆ ھەموومان گرنگە خزمەتی گەرمیان بکەین"