لەسەر ڕاسپاردەى ئارام محه‌مه‌د قادر، وەزیرى خوێندنى باڵا و توێژینەوەى زانستى، ڕەزامەندى درا به‌ وەرگرتنى تەواوى دەرچووانى خوێندنگە کوردییەکانى ناوچە کوردستانییەکانى دەرەوەى ئیدارەى هەرێمى کوردستان لە زانکۆکانى هەرێمى کوردستان کە ژمارەیان 342 دەرچووە.

وەزارەتى خوێندنى باڵا و توێژینەوەى زانستى، فەرمانبەران و مامۆستایان لە دامودەزگەکانی حکومەتی هەرێمی کوردستان ئاگەدار دەکاتەوە وڵاتی کۆریاى باشوور، ژمارەیەک کورسیی ماستەر لە پێنج بوارى جیا، لە زانکۆکانی ئەو وڵاتە تەرخان کردووە.

ڕۆژی سێشەممە، ٧ی تشرینی یەکەمی ٢٠٢٥، بە چاودێری و ئامادەبوونی وەزیری خوێندنی باڵاو توێژینەوەی زانستی، یەکەمین کۆنفرانسی زانستیی نێودەوڵەتی بە ناونیشانی "زیرەکی دەستکرد" لە زانکۆی ئاکرێ بەڕێوە چوو.

وەزارەتى خوێندنى باڵا و توێژینەوەی زانستی زەمالەى خوێندنى ماستەر و دکتۆرا لە وڵاتى هیندستان، بۆ ساڵى خوێندنى (٢٠٢٥ - ٢٠٢٦) بۆ هاووڵاتییانى هەرێمى کوردستان ڕادەگەیەنێت.

وەزارەتى خوێندنى باڵا و توێژينه‌وه‌ى زانستى، خولى ڕاهێنانى پێداگۆجيى چڕ و کورتخایەنى، بۆ ئه‌و مامۆستایانه‌ى زانکۆکانى هەرێمى کوردستان کە پێشووتر (خولى ڕێگەکانى وانەگوتنەوە)یان لە زانکۆکان تەواو کردووه‌ و لە ئێستادا هه‌ڵگرى نازناوى زانستین، ڕاگه‌ياند.

وەزارەتى خوێندنى باڵا و توێژینەوەى زانستى، چوار پۆست لە زانکۆى ئاکرێ بۆ زانستە کردارییەکان ڕادەگەیەنێت. هەر کەسێک ئارەزووى هەیە و مەرجەکانى تێدا بەرجەستەیە دەتوانێت لە ماوەى دیاریکراودا (C.V) و داواکارییەکەى پێشکەش بکات.