قۆنسۆڵی گشتی تورکیا لە هەرێمی کوردستان سەردانی وەزارەتی دادی کرد
![](/media/4759/firsat-ahmed-receives-turkey-consulate.jpg?anchor=center&mode=crop&width=1200&height=630&rnd=132585804590000000)
هەولێر، هەرێمی کوردستان، عێراق (GOV.KRD)- ئەمڕۆ سێ شەممە 2021/2/23 فرسەت ئەحمەد وەزیری دادی حکومەتی هەرێمی کوردستان، لە دیوانی وەزارەتی داد، پێشوازی لە هاکان کاراچای قۆنسۆڵی گشتی کۆماری تورکیا لە هەرێمی کوردستان کرد.
لەو دیدارەدا، کۆمەڵێک باس و تەوەری جێی بایەخی هەردوولا تاوتۆێ کرا، لەوانە هەندێك کێشەی ئەو کۆمپانیا تورکیانەی کە لە هەرێمی کوردستان کاردەکەن وتووێژی لەبارەوە کرا و ئاستەنگەکانی بەردەم کارکردنی ئەو کۆمپانیانە و دەستڕاگەیشتن بەمافەکانیان، لە فەرمانگە فەرمییەکانی حکومەتی هەرێمی کوردستان، باسی سەرەکی دیدار و کۆبوونەوەکە بوو .
هەروەها یاریدەدەری قۆنسۆڵی گشتی تورکیا لە هەرێمی کوردستان، محەمەد ئاغا ئارشین و نەریمان تاڵیب وتەبێژی وەزارەتی داد، ئامادەی کۆبوونەوەکە بوون .