وەزارەتی شارەوانی و گەشتوگوزار لە چەند فەرمانێكی وەزاریدا ڕەزامەندی نیشان دا لەسەر خەرجكردنی گوژمەی زیاتر لە 970 ملیۆن دینار بۆ جێبەجێكردنی چەند پرۆژەیەكی خزمەتگوزاریی ئاو و گەشتیاری لە سنووری شاری سلێمانیدا.

بە سەرپەرشتیی ساسان عەونی وەزیری شارەوانی و گەشتوگوزار و جێن یۆنێدا، بەڕێوەبەری ئۆفیسی جایکای ژاپۆنی لە عێراق، كۆبوونەوەی چوارەمی کۆمیتەی هاوئاهەنگیی هاوبەش (JCC) كە تایبەتە بە پرۆژەی هەمواركردنەوەی ماستەرپلانی شاری هەولێر بەڕێوەچوو.

وەزیری شارەوانی و گەشتوگوزار و شاندێكی وڵاتی میسر پەرەپێدانی هەماهەنگییەكان سەبارەت بە سێكتەری گەشتوگوزار تاوتوێ دەكەن و جەخت لەسەر پەرەپێدانی پەیوەندی و هەماهەنگییەكان دەكەنەوە.

وەزیری شارەوانی و گەشتوگوزار و سەرۆكی كۆڕبەندی گەشتیاریی جیهانی پەرەپێدانی هەماهەنگی و چۆنیەتی گەشەپێدانی سێكتەری گەشتوگوزار لە هەرێمی كوردستان تاوتوێ دەكەن.

پرۆژەی ماستەرپلانی شاری هەڵەبجە دەستپێدەكات و وەزیری شارەوانی و گەشتوگوزاریش دەڵێت بە هەموو توانایەك پشتیگری پرۆژەی ماستەرپلانی هەڵەبجە دەكەین بۆ ئەوەی تەواو بكرێت و شارەكە ببووژێنێتەوە.