زێباری ئاماژەی بەوەش کرد حکومەت بەرنامەکانی بەرەنگاربوونەوەی بازرگانیکردن بە مرۆڤی بەهێزتر کردووە.

کونسولی کۆماری میسر جەختی لە گرنگی کارکردنی هاوبەش لە نێوان هەردوولا کردەوە و ئاماژەی بە پێویستيی ئاڵوگۆڕی ئەزموونەکان و بەشداریکردنی لایەنە پەیوەندیدارەکان له‌ بواری مافەکانی مرۆڤ.

لە ديداره‌كه‌دا بابه‌ته‌كانى مافی مرۆڤ لە چوارچێوەی پلانی هەرێمی، حوکمڕانيی باش و هەوڵەکانی بەرەنگاربوونەوەی ماددە هۆشبەرەکان تاووتوێ كران.

هەر له‌ ديداره‌كه‌دا تیشک خرایە سەر بابه‌ته‌كانى ئازاديی ڕادەربڕین، بازرگانیکردن بە مرۆڤ و پرسی ئاوارە و پەنابەران.

له‌ كۆبوونه‌وه‌كه‌دا چه‌ند بوارێك دیاری کران تا کاری زیاتریان لەسەر بکرێت وەک: پەرەپێدانی تواناکان و هاریکاريی تەکنیکی، جەختکردنه‌وه‌ لە کاروباری یاسایی، دادوەری، پرسی کەمینەکان و گرنگيی ئەنجامدانی پرۆگرامی تایبەت بە هۆشیارکردنه‌وه‌ی گەنجان.

مانەوەی یوئین لە عێراق و فراوانترکردنی نووسینگەی مافی مرۆڤی سەر بە نەتەوە یەکگرتووەکان، بە تایبەت لە هەرێمی کوردستان بە پێويست و گرنگ زاندرا.

لە دیدارەکەدا چەندین بابەت تاووتوێ کران، گرنگترینیان پرسی ئاوارە و پەنابەران و گۆڕانکاريی کەشوهەوا بوون.

ریۆسۆکی تیراوکا تیشکی خستە سەر پرۆژەکانیان لە عێراق و هەرێمی کوردستان و گوتی: لە عێراقدا يازده‌ پرۆژەی جۆراوجۆرمان هەیە، لەوانە چوار پرۆژەیان لە هەرێمی کوردستانن.

بەرپرسی نووسینگەی بەرنامەی نەتەوە یەکگرتووەکان بۆ پەرەپێدان ستایشی هەوڵ و چالاکییە بەردەوامەکانی نووسینگەی ڕێکخەری ڕاسپاردە نێودەڵەتییەکانی کرد، لە بەرەوپێشبردنی ڕەوشی مافی مرۆڤ لە هەرێمی کوردستان.