بۆ یەکەمجار لە قوتابخانە حکومییەکان 1,763,672 یەک ملیۆن و حەوتسەد و شەست و سێ هەزار و شەشسەد و حەفتا و دوو قوتابی لە (6935) ناوەندی خوێندنی حکومی دەتوانن نمرەکانیان بە شێوازی دیجیتاڵی وەربگرنەوە.

نۆژەنکردنەوەی قەڵای هەولێر لە ژێر چاودێریی ڕاستەوخۆی مەسرور بارزانی، سەرۆکوەزیرانی هەرێمی کوردستان بەردەوامە و لە ئێستاشدا نۆژەنکردنەوەی شەقامی سەرەکیی قەڵا و ژمارەیەك کۆڵان بەشێوەیەکی ستانداردی کەلەپووریی جیهانی، کە بۆ شوێنە مێژووییەکان دەکرێت، لە قۆناغی کۆتاییە و لە ئاییندەشدا چایخانەیەکی کولتووری، هۆتێل و چێشتخانەیەك لەسەر قەڵا دەکرێنەوە.

ئەمڕۆ پێنجشەممە، 16ی کانوونی دووەمی 2025، شاندی دانوستانکاری حکومەتی هەرێمی کوردستان بۆ بەغدا، لەگەڵ نیردە نێودەوڵەتییەکان لە بارەی پرسی بودجە و هەناردەکردنی نەوت لە هەرێمی کوردستان کۆ بووەوە.

ڕۆژی یەکشەممە، 5ی 1ی 2025، نەوزاد کامیل، بەڕێوەبەری گشتیی بازرگانی لە وەزارەتی بازرگانی و پیشەسازی ڕایگەیاند: لە ساڵی ڕابردوودا زیاتر لە 10 بەشەئارد بەسەر هاووڵاتییاندا دابەش کراوە و لە ئێستاشدا بەشی دەیەم بەردەوامە لە دابەشکردن.