دوای ئەوەی ڕۆژی دووشەممە 19ی 5ی 2025، مەسرور بارزانی، سەرۆکی حکومەتی هەرێمی کوردستان، لە ڕێوڕەسمێکدا لە ژووری بازرگانیی ئەمەریکا لە واشنتن، سەرپەرشتی و چاودێریی ڕێورەسمی واژۆکردنی دوو ڕێککەوتننامەی گرنگی لە بواری وزەدا کرد، ئەمەش ژێرخانی وزە لە هەرێمی كوردستان بەهێزتر دەكات و دەبێتە هۆی ئەوەی ملیۆنان كەس لە كەرتی وزەی هەرێمی كوردستان و عێراق سوودمەند بن.

بەهۆی دواكەوتنی مووچە و مامەڵەی خانەشینان، بۆ ڕێکخستنەوە و زیاتر خزمەتکردنی خانەنشینانی مەدەنی و سەربازی و هێزەکانی ئاسایشی ناوخۆ، لە کۆبوونەوەی ئاسایی ئەنجومەنی وەزیرانی هەرێمی کوردستان، بڕیاری پێكهێنانی لیژنەیەکی تایبەتمەند درا، تا بە زووترین كات ئەم بابەتە چارەسەر بكات.

سەنتەری نەخۆشییەکانی گورچیلە بۆ شووشتن و چاندنی گورچیلە لە سنووری پارێزگای دهۆک کرایەوە.

کرێکاران داینەمۆی بەرهەمهێنان لە بوارە جیاوازەکانی ئابووری و پێشکەوتنەکانی هەرێمی کوردستانن، لەو سۆنگەیەوە کابینەی نۆیەم بەردەوام لە ڕێگەی ڕەخساندنی هەلی کار و پێدانی مۆڵەت بە پڕۆژەکان، هەوڵی داوە مافی کرێکاران بە گوێرەی یاسای کاری ژمارەی (71)ـی ساڵی 1987 بپارێزێت و بە یەکسانی هەلی کار بۆ هێزی کاری ناوخۆیی بڕەخسێنێت.

کۆنفرانسی زانستیی نێودەوڵەتیی (ئێزدی: ئایین، کلتوور، مێژوو و جوگرافیا) لەژێر چاودێریی سەرۆکوەزیران مەسرور بارزانی بۆ ماوەی دوو ڕۆژ بەڕێوە چوو.

پرۆژەی فریاگوزاریی ئاوی هەولێر بە گوژمەی 480 ملیۆن دۆلار، لە هاوینی ئەمساڵ، پێش وادەی دیاریکراو تەواو دەبێت.