ئەمڕۆ چوارشەممە ڕێکەوتى ١٦ى حوزەیرانى ٢٠٢١ى زایینى، کۆبوونه‌وه‌ی ئه‌نجوومه‌نی وه‌زیران ئەنجام درا و چەندین بڕیار و زانیارى نوێ لەسەر بودجە و مووچە و بەنزین و پاراستنى سنوورەکان بڵاو کرایەوە.

لەم چەند ساڵەى ڕابردوو بارانبارین کەمى کردووە و هەر ئەمەش واى کردووە کە ئاوى سەر زەوی کەم ببێتەوە و هەر بۆ ئەم مەبەستەش حکومەتى هەرێمى کوردستان بڕیارى دروستکردنى نۆ بەنداوى داوە.

ڕێکەوتى ١١/٧/٢٠٢٠ى زایینى به‌ردی بناغه‌ی پڕۆژه‌ی شه‌قامی ١٠٠ مه‌تری كه‌ ناسراوه‌ به‌ ئۆتۆبانی بابان لە شارى سلێمانى لە لایەن مه‌سرور بارزانی سه‌رۆكى حکومەت و قوباد تاڵه‌بانی جێگری سه‌رۆكى حکومەتی هەرێمى کوردستانەوە دانرا.

عەلوەیەکى هاوچەرخى هەولێر لەسەر ٥٠٠ دۆنم زەوی و بە گوژمەى ١٢٠ ملیۆن دۆلار کرایەوە کە بە تەواوبوونى پێنج هەزار هەلى کار بە شێوەى ڕاستەوخۆ و نزیکەى ٥٠ هەزار هەلى کار دەڕەخسێنێت بۆ هاووڵاتیانى پیشە جیاوازەکانی شارەکە.

فەرمانگەى میدیا و زانیارى، لە دوو ڕۆژدا، خوولێکى تایبەتى لەسەر سیستەمى " IU ـ تازەکردنەوەى زانیارییەکان" بۆ سەرجەم وەزارەت و فەرمانگە و دەستەکانى حکومەتى هەرێمى کوردستان بەڕێوە برد.

فەرمانگەى میدیا و زانیارى، لە درێژەى کار و چالاکییەکانى خۆی بۆ سەرجەم وەزارەت و فەرمانگە و دەستەکانى حکومەتى هەرێمى کوردستان، خوولێکى تایبەتى بۆ شەش وەزارەت و دەستە بەڕێوە برد.

حەفتەى ئایندە پڕۆژەى بودجەکە دەگاتە ئەنجوومەنى وەزیران و بە پێى ئەو داهاتەى کە حکومەت هەیەتى دادەڕێژرێت

مەسرور بارزانی لە مەراسیمی دانانی بەردی پڕۆژەى پردی دەربەندی ڕانیە ـ بنگرد باسى لەوە کرد کە "به‌ توانای به‌رده‌ست پرۆژە‌ی خزمه‌تگوزاریی ده‌گه‌یه‌نینه‌ هه‌موو شار و شارۆچكه‌كانی كوردستان" و چەندین پڕۆژەش لە پلانەى حکومەتە بۆ دەڤەرەکە و ئێستا پردەکەش ٣٥% تەواو بووە.

سەنتەری زانکۆی کوردستان ـ هەولێر بۆ توێژینەوەی هەرێمی و نێودەوڵەتی، کۆنفڕاسێکی تایبەت بە ناونیشانی ''یەکڕیزی و دەستوور'' ئەنجام دا کە تیایدا نێچیرڤان بارزانى سەرۆکى هەرێمى کوردستان و مەسرور بارزانى سەرۆکى حکومەتى هەرێمى کوردستان و ڕێواز فایەق سەرۆکى پەرلەمانى کوردستان و جێنین هێنس پلاسخارت، نوێنەری سکرتێری گشتی نەتەوەیەکگرتووەکان لە عێراق و سەرۆک و سەرکردە و بەرپرسانى باڵاى حیزبەکانى کوردستان و نزیکەى ٣٠ قونسوڵیەى وڵاتانى لە هەرێمى کوردستان تێدا بەشدار بوون.

لە درێژەى دامەزراندن و بەردەوامیدان بە پڕۆژە ستراتیژییەکانى حکومەتى هەرێمى کوردستان، لەم کابینەیەدا بڕیار لەسەر زیادکردنى بەرهەمى نێوخۆیی و دابینکردنى هەلى کار و کاراکردنى کەرتى تایبەت دراوە و دروستکردنى کارگەى شەکرى بتوێن لەم چوارچێوەیەدا و بە قەبارەیەکى گەورە دروست دەکرێت.