كارگەی چارەسەركردنی خۆڵ و خاشاك لە قەدشێ كە توانای چارەسەركردنی خۆڵ و خاشاكی ١٣ شارەوانیی سنووری پارێزگەی دهۆكی هەیە، نزیكەی سێ ساڵە كاركردن تێیدا بەردەوامە و  ئێستاش نزیكەی ٨٥٪ی كارەكانی تەواوكراون

وەزارەتی شارەوانی و گەشتوگوزار ڕەزامەندی دا بە خەرجكردنی گوژمەی ٧٣ملیۆن دینار بۆ جێبەجێكردنی دوو پڕۆژەی خزمەتگوزاری لە شاری هەولێر، ئەمە وێڕای ئەوەی ئێستا هەڵمەتێكی گەورە بۆ نۆژەنكردنەوەی شەقامەكانی هەولێر دەستیپێكردووە.

لەسەر بودجەی وەزارەتی شارەوانی و گەشتوگوزار بە مەبەستی پەرەپێدانی پڕۆژە خزمەتگوزارییەكان و خزمەتكردنی هاووڵاتییانی شارۆچكەكە، شارەوانیی هەریر بە گوژمەی ٣٨٧ ملیۆن و حەوتسەد هەزار دينار پڕۆژەیەكی كۆنكرێتكردن و دروستكردنی ئاوەڕۆی لوولەیی لە سەنتەری ناحیەی هەریر جێبەجێ دەكات.

بەڕێوەبەرایەتیی ئەندازەی پاركەكانی دهۆك پاركێكی گشتی لە گەڕەكی ماسیكێ لەسەر ڕووبەری 1600 مەتر چوارگۆشە بە گوژمەی زیاتر لە 42 ملیۆن دینار و لەسەر داهاتی شارەوانی دروست دەكات.

بە مەبەستی پەرەپێدانی زیاتری پڕۆژە خزمەتگوزارییەكان و خزمەتكردنی هاووڵاتییان، وەزارەتی شارەوانی و گەشتوگوزار ڕەزامەندی دا بە خەرجكردنی گوژمەی نزیكەی ٤٤٠ ملیۆن دینار بۆ جێبەجێكردنی ١٨ پڕۆژەی خزمەتگوزاری لە شارۆچكەكانی دەوروبەری هەولێر.

وەزارەتی شارەوانی و گەشتوگوزار ڕەزامەندی دا بە خەرجكردنی گوژمەیەك بۆ دابینكردنی پێدوایستی وەك پەمپ و غەتاس بۆ بەڕێوەبەرایەتیی ئاوی زاخۆ بە مەبەستی باشتر بەڕێوەچوونی پرۆسەی بەرهەمهێنان و دابەشكردنی ئاوی خواردنەوە.

تیمەكانی فەرمانگەی ئاوی قەڵادزێ سەر بە بەڕێوەبەرایەتیی ئاوی ڕاپەڕین، پڕۆژەیەكی تۆڕی ئاوی خواردنەوەیان بۆ ژمارەیەك كۆڵان لە گەڕەكی ڕاپەڕین جێبەجێ كرد كە زیاتر لە ٢٠٠ ماڵی سنوورەكە لەم پڕۆژەیە سوودمەند دەبن.

ئەمڕۆ دووشەممە ١٦/٥/٢٠٢٢ لەلایەن تیمی چاککردنەوەی شەقامەکان لە بەڕێوەبەرایەتیی شارەوانیی دوو بە هاوکاریی کارگەی قیڕی شارەوانیی هەولێر هەڵمەتێكی نۆژەنکردنەوە و قیڕتاوکردن لە گەڕەکی کوێستان جێبەجێ كرا

ئەمڕۆ  دووشەممە ٢٠٢٢/٥/١٦ لەژێر چاودێریی سەرۆكایەتیی شارەوانیی حاجیاوا هەڵمەتێكی پاککردنەوەی بازاڕی حاجیاوا بەڕێوەچوو و تیایدا زیاتر لە 30 تۆن زبڵ و خاشاک و پاشماوەی دوكاندار و هاووڵاتییان کۆکرایەوە و بۆ شوێنی دیاریکراو گواسترایەوە.

ئەمڕۆ دووشەممە لە سنووری بەڕێوەبەرایەتیی ئاوی ڕاپەڕین، تیمەكانی بەشی دابەشكردن و چاكسازیی ئاوی ڕانیە، بۆریی گەیاندنی ئاویان لە گەڕەكی چوارچرا درێژ كردەوە كە بەهۆیەوە پرۆسەی گەیاندنی ئاو لەو گەڕەكە بۆ هاووڵاتییان باشتر دەبێت و چەندین ماڵیش لێی سوودمەند دەبن.