وه‌زیری شاره‌وانی و گه‌شتوگوزار: هاووڵاتییانی خۆشەویستی كوردستان دڵنیا دەكەینەوە هەر شار و گەڕەك و شارۆچكەیەكی كوردستان پێویستی بە خزمەتگوزاری هەبێت، بەوپەڕی لەخۆبووردەییەوە هەوڵ دەدەین خزمەتگوزاریان پێ بگەیەنین، چونكە ئەوە ئامانجی حكومەتی هەرێمی كوردستانە

ساسان عەونی وەزیری شارەوانی و گەشتوگوزار بڕیاری دا بە خەرجكردنی بڕی زیاتر لە 499 ملیۆن دینار بە مەبەستی جێبەجێكردنی پڕۆژەی دروستكردنی تۆڕی ئاوەڕۆ بۆ شەقام و كۆڵانەكانی جیاكراوەی (212)ی كەرتی 8ی ئابڵاخ لە شاری سلێمانی.

بە مەبەستی پەرەپێدانی سێكتەری ئاو و نۆژەنكردنەوەی پڕۆژەكانی ئاوی خواردنەوە لە شاری هەولێر، وەزارەتی شارەوانی و گەشتوگوزار بڕیاری خەرجكردنی زیاتر لە 380 ملیۆن دیناری دا بۆ جێبەجێكردنی 14 پڕۆژەی تایبەت بە ئاو لە شاری هەولێر

پەیامی سەرۆكی حكوومەت بۆ فەرمانبەران بریتییە لە زیاتر خزمەتكردن و خێرا ڕاییكردنی مامەڵەی هاووڵاتییان و كەمكردنەوەی ڕۆتین لە سەرجەم فەرمانگە خزمەتگوزارییەكان.

شارەوانیی زاخۆ دەستیكرد بە جێبەجێكردنی پڕۆژەیەكی گەورەی خزمەتگوزاری كە پێكهاتووە لە دروستكردنی قەنتەرە و شەقام و ئاوەڕۆ و كۆنكرێتكردنی ژماره‌یه‌ك كۆڵان، كە ئەو پڕۆژەیە سوودی زۆری بۆ دانیشتووانی چەند گەڕەكێكی زاخۆ دەبێت

ئەمڕۆ دووشەممە ٢٠٢١/٨/٢٣ی زایینی، ساسان عەونی وەزیری شارەوانی و گەشتوگوزار و ئومێد خۆشناو پارێزگاری هەولێر بە شێوەیەكی مەیدانی سەردانی زەوییەكانی ٨ی حەسارۆكیان كرد.

سەرەڕای قەیرانی دارایی و بڵاوبوونەوەی پەتای ڤایرۆسی کۆڕۆنا لە هەرێمی کوردستان و هەوڵە بەردەوامەکانی حکومەتی هەرێم و کارکردن بە بەردەوامی لەم بارەوە، کەچی حکومەت لایەنەکانی دیکەی خزمەتگوزاری فەرامۆش نەکردووە و لە سەروبەندی دەستبەکاربوونی کابینەی نۆیەمیش دەست بە جێبەجێکردنی چەندین پرۆژەی خزمەتگوزاری لە پارێزگای دهۆک کرا کە یەکێك لەو پرۆژانەش ئەندەرپاسەکانی شەقامی بارزانە لەو شارە، کە لەگەڵ تەواوبوونی جگە لە کەمکردنەوەی قەرەباڵغییەکی زۆری شەقامەکان، ڕێگەی تێپەڕبوونی بەنێو شاردا لە ٤٥ خولەکەوە بۆ ١٠ خولەک کەم کردووەتەوە.

لە پێناو پاراستنی سامانی ئاو و باشتر بەڕێوەبردنی ئاوی خاوێن لە هەرێمی كوردستان،  یەكەم كۆبوونەوەی داڕشتن و دانانی بەرنامە بۆ ستراتیژی پاراستنی سامانی ئاو لە هەرێمی كوردستان بەڕێوە چوو.