بە واژووی وەزیری شارەوانی و گەشتوگوزار بڕیار درا بە خەرجكردنی گوژمەی زیاتر لە ٤٢٠ ملیۆن دینار بۆ جێبەجێكردنی ژمارەیەك پرۆژە لە سێكتەرەكانی شارەوانی و ئاو لە شاری دهۆك.

ساسان عەونی، وەزیری شارەوانی و گەشتوگوزار، ڕایدەگەیەنێت، "تەنیا لەمساڵدا ٣٩٩ پرۆژەی گەورە بە نزیكەی ٢ ترلیۆن و ٥٠٠ ملیار دینار بڕیاریان لەسەر دراوە و بەشێكیشیان تەواوكراون، هەر ئەمساڵ ٧٤٥ پرۆژەی جۆراوجۆریش لەسەر داهاتی شارەوانییەكان بە گوژمەی ٧٠ ملیار دینار جێبەجێكراون."

زیاتر لە ١٠٠ ملیۆن دار لە چوارچێوەی ماستەرپلانی شاری هەولێر بە هەماهەنگی لەگەڵ ڕێكخراوی هەسار و بەپێی پلانێكی ستراتیژی، تاوەكوو ساڵی ٢٠٣٠ لە شاری هەولێر دەچێنرێن.

لەسەر بودجەی وەزارەتی شارەوانی و گەشتوگوزار پرۆژەیەكی گەورەی ئاوەڕۆ لەسەر شەقامی ٣٠مەتری تاوەكوو شەقامی ٦٠مەتری لە شاری هەولێر جێبەجێ دەكرێت.

وەزارەتی شارەوانی و گەشتوگوزار له‌سه‌ر ڕێژەی ١٥٪ی داهاتی سەرۆكایەتیی شارەوانیی دهۆك پرۆژەیەكی دروستكردنی شەقام لە شاری دهۆك جێبه‌جێ ده‌كات .

وەك ئامادەسازییەك بۆ وەزری زستان و ڕێگریكردن لە كۆبوونەوەی ئاوی زیادە و مەترسیی دروستبوونی لافاو، خۆڵ و خاشاك و قوڕولیتە لە ١٠ وێستگەی ناو خەزانی ژێر پردەكانی شاری هەولێر دەرهێنرا.

لە گەڕەكی نەسیج لە شاری هەولێر وەك قۆناغی یەكەم بە گوژمەی ٣٣٣،٢٧٢،٠٠٠ دینار پرۆژەیەكی قیڕتاوكردن و كۆنكرێتكردنی چەندن شەقام و كۆڵان جێبەجێ كرا.

بە گوژمەی زیاتر لە ١٦٣ ملیۆن دینار پرۆژەی كۆگەی ئاوی شارۆچكەی بەستۆڕە تەواو كرا كە تەواوی هاووڵاتییانی شارۆچكەكە لێی سوودمەند دەبن.

ساسان عەونی، وەزیری شارەوانی و گەشتوگوزار ڕایدەگەیەنێت لە ماوەی كابینەی نۆیەمدا بە كۆی هەردوو جۆری ستابلایزەر و بایندەر، زیاتر لە نۆ ملیۆن مەتر دووجا لە سەرتاسەری كوردستان قیڕ كراوە.