كۆلێژی ئه‌ركان، وه‌ك یه‌كێك له‌ناوه‌نده زانستیه‌كانی سه‌ربازیی له هه‌رێمی كوردستان و سه‌ر به وه‌زاره‌تی پێشمه‌رگه، به‌رده‌وامه له خوله سه‌ربازییه‌كانی و له ئێستادا سه‌رقاڵی ئاماده‌كارییه بۆ كۆتاییهێنان به حه‌وته‌مین خولی پێگه‌یاندنی فه‌رمانده‌و كادری سه‌ربازی و پێدانی بڕوانامه‌ی ماجستێر له بواری سه‌ربازیدا به به‌شداربوانی خوله‌كه.
هەواڵەکان
وەزیری پێشمەرگە و راوێژکاری سەنتەری هەمەئاهەنگی هاوپەیمانان کۆبوونەوە
ڕۆژی سێشەممە ٢٠٢١/٣/٣٠ شۆڕش ئیسماعیل، وەزیری پێشمەرگەی حکومەتی هەرێمی کوردستان بە ئامادەبوونی سەربەست لەزگین، بریکاری وەزارەت، ئەمینداری گشتی و سەرۆکی هەیئەی ئەرکان و ڕاوێژکارانی وەزارەت لەگەڵ کۆڵۆنێل دەیڤد ولیام، راوێژکاری سەنتەری هەماهەنگی هاوپەیمانان لە هەرێم و تیمی یاوەری کۆبۆوە.
لە میحوەری پردێ هێرش کرایە سەر پێشمەرگە
ڕۆژی دووشەممە ٢٠٢١/٣/٢٩ لەسنوری چالاکیەکانی لیوای 10 پیادەی وەزارەتی پێشمەرگە لەمیحوەری پردێ، دبز لەنزیک گوندی نەبی ئاوا ، چەندموشەکێک ئاراستەی پێگەکانی پێشمەرگە کراوە ، بەڵام پێشمەرگەو پێگەکانی پێشمەرگە بێ زیان بوون .
کولێژی ئەرکانی سەربازی و زانکۆی پۆلیتەکنیکی سلێمانی یاداشتی لێکتێگەیشتنی ئەکادیمی هاوبەش واژوو دەکەن.
کولێژی ئەرکانی سەربازی وەزارەتی پێشمەرگە، وه‌ك هه‌ستكردن به به‌رپرسیارێتی و به‌خشینی زانست و زانیاری نوێ به فێرخوازانی خولێکی تایبەتی لەبواری ئەتەکێت و پڕۆتۆکۆلی فەرمی بەڕێوەبرد.
جەژنی نەورۆزتان پیرۆز بێت
سه‌ری ساڵی كوردی و جه‌ژنی نه‌ته‌وه‌یی نه‌ورۆز له خانه‌واده‌ی سه‌ربه‌رزی شه‌هیدان، پێشمه‌رگه ئازا و قاره‌مانه‌كان، کەمئەندابووانی سەنگەر و گه‌لی ئازاو خۆراگری كوردستان پیرۆز ده‌كه‌م.
پارەی ئەمریکا نەخراوەتە سەر هەژماری وەزارەتی پێشمەرگە و تا پارەکە دەگات داوامان کردوە، حکومەت مووچەیەک بەلیواکان بەبێ لێبڕین بدات.
رۆژی پێنج شەممە ٢٠٢١/٣/١٨ لیوا قارەمان شێخ کمال جێگری سەرۆکی ئەرکان بۆ ئۆپەراسیۆنەکان، لە کۆنگرەیەکی رۆژنامەوانیدا، زانیاری نوێی لەبارەی دابەشنەکردنی مووچەی لیواکانی وەزارەتی پێشمەرگه و پرسی هاوکارییەکانی ئەمریکاو هاوپەیمانان درکاندو راشیگەیاند: تا ئێستا هاوکاری دارایی ئەمریکا نەگواستراوەتەوە سەرهەژماری بانکی وەزارەتی پێشمەرگەو هەر کاتێک تەحویل بکرێت، راستەوخۆ وەک خۆی دابەشدەکرێت.
پەیامی وەزیری پێشمەرگە لەیادی کیمیابارانی هەڵەبجە
لەم ساڵڕۆژە خەمناكەدا سەری ڕێزو نەوازش بۆ شەهیدانی كیمیابارانی هەڵەبجە و سه‌رجه‌م شه‌هیدانی رێگه‌ی رزگاریخوازی گه‌له‌كه‌مان دادەنوێنم و دەخوازم بتوانین خزمەتی زیاتری هەڵەبجەو هەڵەبجەییەكان بكەین.
بەڕێزان/ خانەوادەو كەسوكاری مێژوونوسی ناوداری كورد (پ.د. کەمال مەزهەر )
ئەمڕۆ سێ شەممە ٢٠٢١/٣/١٦ بەداخ و پەژارەیەکی زۆرەوە، نووسەر و مێژوونوسی دیارو ناسراوی كورد، پ.د.کەمال مەزهەر، ژیانئاوایی لێکردین، بەم بۆنە خەمناكەوە پرسەو سەرەخۆشی خۆمان ئاراستەی خانەوادەو كەسوكارو هەموو رۆشنبیران و گەلی كورد دەكەم.
لەیادی کیمیابارانی هەڵەبجە ساتێک بەبێدەنگی وەستاین
ئەمڕۆ سێ شەممە 2021/3/16 به‌ئاماده‌بوونی شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێم و سه‌ربه‌ست له‌زگین، بریكاری وه‌زاره‌ت و ئه‌مینداری گشتیی و سه‌رۆكی ده‌سته‌ی ئه‌ركان و ئه‌فسه‌رانی پله باڵا و كارمه‌ندانی وه‌زاره‌تی پێشمه‌رگه بۆ رێزگرتن له‌قوربانیانی كاره‌ساتی كیمیابارانی هه‌ڵه‌بجه و یادكردنه‌وه‌ی ئه‌و رۆژه خه‌مناكه ساتێك به‌بێده‌نگی وه‌ستان.
ده‌سته‌ی ده‌ستپاكی كوردستان له‌گه‌ڵ ئه‌فسه‌رانی وه‌زاره‌تی پێشمه‌رگه كۆبۆوه
ئه‌مڕۆ 16/3/2021 به ئاماده‌بوونی فه‌ریق جه‌بار یاوه‌ر ئه‌مینداری گشتی وه‌زاره‌تی پێشمه‌رگه و ژماره‌یه‌ك له به‌رێوه‌به‌رانی گشتی و ئه‌فسه‌رانی وه‌زاره‌ت، كۆبونه‌وه‌یه‌ك له نێوان ئه‌فسه‌رانی پله باڵای وه‌زاره‌تی پێشمه‌رگه و تیمیكی ده‌سته‌ی ده‌ستپاكی كوردستان به‌رێوه‌چوو.