بەبۆنەی کۆتاییهاتنی وەرزی بەبازاڕکردنی گەنم بۆ ساڵی ٢٠٢٢، شاندی وەزارەتی بازرگانیی عێراق خەڵاتی ڕێزلێنانیان بەخشییە وەزارەتی بازرگانی و پیشەسازی و ستافەکەی.

بەمەبەستی دۆزینەوەی ڕێگە و میکانیزمی گونجاو بۆ چۆنییەتیی زیادکردنی بازاڕ بۆ بەروبوومە ناوخۆییەکان لە هەرێمی کوردستان، شاندی وەزارەتی بازرگانی و پیشەسازی لەگەڵ یەکێتیی ژوورە بازرگانی و پیشەسازییەکان کۆبووەوە. 

بۆ بەرزكردنەوەی ئاستی فەرمانبەرانی سەر بە وەزارەتی بازرگانی و پیشەسازی - بەڕێوەبەرایەتیی گشتیی پلاندانان و بەدواداچوون، هەژدە فەرمانبەر بەشداریی خولێکیان کرد.

هۆڵی پێشانگای نێودەوڵەتی، لەپارکی سامی عەبدولڕەحمان، پێشانگای نێودەوڵەتی وەبەرهێنانی بیناسازی وخانوبەرە کرایەوە، و بەڕێوەبەرایەتی پەرەپێدانی پیشەسازی سەر بە وەزارەتی بازرگانی و پیشەسازی بەخستنەڕووی داتاو زانیاری بەشدارە.

وەزارەتی بازرگانی و پیشەسازی لەگەڵ وەزارەتی دارایی، دۆخی کارگەکان و کێشە و گرفتەکانیان لەڕووی باج و ڕسووماتەوە تاووتوێکرد، کە بڕیاردرا کارئاسانیان بۆبکرێت لەپێناو پەرەپێدانی کەرتی پیشەسازی و بەرهەمهێنانی ناوخۆیی.

ئەمڕۆ کۆتایی بە پڕۆسەی وەرگرتنی گەنمی جووتیاران هات. بە کۆی گشتییش ٣٢٢ هەزار تەن گەنم لە جووتیاران وەرگیراوە.

وەزیری بازرگانی و پیشەسازی  بەوەکالەت، تیمی وەزارەتی ڕاسپارد لەڕێگەی لایەنە پەیوەندیدارەکانەوە، هەوڵی چارەسەرکردنی گرفتەکانی کەرتی پیشەسازی بدەن.

بڕی ٩٧ ملیار و ٣٦٢ ملیۆن دینار هاتووەتە سەر حسابی وەزارەتی بازرگانی و پیشەسازیی هەرێمی کوردستان کە بریتییە لە بەشێکی تری شایستە داراییەکانی جووتیاران بۆ ساڵی ٢٠٢٢.

سەرەتای هەفتەی داهاتوو ١٠٠ ملیار دینار پارەی گەنمی جووتیاران بۆ ساڵەکانی ٢٠١٤ و ٢٠١٥ و ٢٠١٦ دابەش دەکرێت.