ئەمڕۆ سێ شەممە ٢٠٢١/٣/١٦ بەمەبەستی بەرزراگرتنی، ساڵیادی تاوانی کیمیابارانکردنی شاری هەڵەبجە، بەچەکی کیمیاوی لەلایەن رژیمی بەعسەوە لە ١٦/٣/١٩٨٨ دا، بە ئامادەبوونی فرسەت ئەحمەد، وەزیری دادی حکومەتی هەرێمی کوردستان ، و سەرجەم دادوەرو بەڕێوبەرو فەرمانبەران و راوێژکارانی وەزارەتی داد، بە وەستانێکی بێدەنگی و ماتەمینی، یادی ئەو تاوانە نامرۆییانە کرایەوە، کەدەرهەق بە گەلی کوردستان ئەنجامدراوە.

ئەمڕۆ دووشەممە ٢٠٢١/٣/١٥ وەزیری دادی حكومەتی ھەرێمی كوردستان، فرسەت ئەحمەد، لە دیوانی وەزارەتی داد، پێشوازی لە قۆنسۆڵی گشتى ئەڵمانياى فيدراڵ لە ھەرێمی كوردستان، كليمينس سيمينتر و رێكخەرى قۆنسۆڵگەرى ئەڵمانیا، ئەدريان رايزر كرد .

رۆژنامەی وەقایعی کوردستان، رۆژنامەی فەرمی هەرێمی کوردستانە و وەزارەتی دادی حکومەتی هەرێمی کوردستان دەریدەکات، لەم هەفتەیەدا وەزارەتی داد، ژمارە (261)ی رۆژنامەی (وەقایعی کوردستانی) بڵاوکردەوە.

بۆ ناساندنی رەهەندە نێودەوڵەتی و ناوخۆییەکانی مافەکانی مرۆڤ و چۆنێتی جێبەجێکردن و میکانیزمی پاراستنی مافەکانی مرۆڤ و رۆڵی حکومەت و دامەزراوەکانی و رێکخراوەکانی کۆمەڵگەی مەدەنی لەو بوارەدا، وۆرک شۆپێک بەڕێوەدەچێت.