بە مەبەستی پاراستنی پاكوخاوێنی و ژینگەی شارۆچكەكە، هەڵمەتێكی گەورەی هەڵگرتنەوەی پاشماوە و خۆڵ و خاشاك لەنێو شارۆچكەی قەڵادزێ بەڕێوەچوو كە تێیدا خۆڵ و خاشاكێكی زۆر هەڵگیرایەوە و بۆ شوێنی تایبەت گواسترایەوە.

مەسرور بارزانی سەرۆكی حكومەتی هەرێمی كوردستان لەسەر بودجەی وەبەرهێنانی وەزارەتی شارەوانی و گەشتوگوزار، ڕەزامەندی دا بە خەرجكردنی گوژمەی نزیكەی 21 ملیار دینار بۆ جێبەجێكردنی پڕۆژەی پاراستنی بۆریی گوێزەرەوەی ئاوی ئیفراز 3 لە شاری هەولێر.

تیمی چاککردنەوەی شەقامەکانی بەڕێوەرایەتیی شارەوانیی شەش و كارگەی قیڕی سەر بە سەرۆکایەتیی شارەوانیی هەولێر پرۆسەكەیان بەڕێوەبرد كە تێیدا شکست و چاڵەکانی ڕێگای سەرەکی هەولێر – خەبات و گوێڕ چاككرانەوە، ئەمەش كارئاسانی بۆ هاتوچۆی شوفێران دەكات

وەزارەتی شارەوانی و گەشتوگوزار ڕەزامەندی دا بە خەرجكردنی نزیكەی ٧٠ ملیۆن دینار بۆ پڕۆژەی قیڕتاوكردنی شەقامەكانی گەڕەكی هەولێری نوێ لە شاری هەولێر و هاوكات ژمارەیەك پڕۆژەی دیكەش لە قۆناغی جێبەجێكردندان.

 تەنیا لە سەنتەری شاری هەولێر مانگانە زیاتر لە ٦٠ هەزار تۆن خۆڵ و خاشاك هەڵدەگیرێتەوە و لە زبڵخانەی كانی قڕژاڵەدا چارەسەر دەكرێت كە ڕۆژانە  نزیكەی ۱۳۰۰ کرێکار و ٦۰۰ ئامێری تایبەت پرۆسەكە بەڕێوە دەبەن.

پرۆسەی هەڵگرتنەوە و چارەسەركردنی خۆڵ و خاشاك لەپێناو خاوێنی و پاراستنی ژینگەی شار و شارۆچكەكان لەلایەن تیمەكانی شارەوانی و بە سەرپەرشتیی شارەوانییەكان بەردەوام بەڕێوە دەچێت و لە سنووری دەوروبەری سلێمانیش پرۆسەیەكی گەورەی خاوێنكردنەوە ئەنجامدرا.

لە سنووری بەڕێوەبەرایەتیی ئاوی سلێمانی، سەر بە بەڕێوەبەرایەتیی گشتیی ئاو و ئاوەڕۆی وەزارەتی شارەوانی و گەشتوگوزار، ڕۆژانە 246,923 مەتر سێجا ئاوی خواردنەوە بۆ هاوبەشانی ئاو لە سلێمانی بەرهەم دەهێنرێت.

بۆ بایەخدانی زیاتر بە سێكتەری گەشتوگوزار لە سنوورەكە، سیستەمێكی پێشكەوتووی ڕووناككەرەوە بۆ پردی دەلال داندرا و ئەمەیش بووە جێی سەرنجی گەشتیاران

 13 پڕۆژەی خزمەتگوزاری لە بواری دروستكردنی شەقام و ئاوەڕۆ و كاری دیزاینكردنی كەرتی 8ی حەسارۆك و چەند پڕۆژەیەكی تر لە سنووری سەرۆکایەتیی شارەوانیی هەولێر لە قۆناغی جێبەجێكردندان.

بۆ بایەخدانی زیاتر بە پرۆژە حزمەتگوزارییەكانی شارەكە لەلایەن تیمەكانی شارەوانیی كۆیە پرۆژەیەكی قیڕتاوكردن و ئاوەڕۆ و كێربستۆن لە گەڕەكی (175)كان جێبەجێ كرا و شارەوانیی كۆیەش جەخت دەكاتەوە لە داهاتوودا پرۆژەیان بۆ گەڕەكەكانی دیكەش دەبێت