بەپێی یاسا و ڕێنمایییە نوێیەكان، ئەنجوومەنی شارەوانییەكانی دهۆك نوێ كرایەوە كە بۆ یەكەم جار  سێ ئەندامی ئەنجوومەنەكە لە ڕێكخراوە پیشەیی و ناحكوومییەكان پێك هاتووە.

لەسەر داهاتی شارەوانییەكان، سەرۆكایەتیی شارەوانی هەولێر، 25 پرۆژەی خزمەتگوزاری بە زیاتر لە دوو ملیار دینار ڕاگەیاند، ئەمەیش ئاستی خزمەتوگوزارییەكانی شارەكە بەرز دەكاتەوە.

نزیکەی 128 ملیۆن دینار بە مەبەستی پەرەپێدانی سێكتەری ئاو بۆ 18 پرۆژەی ئاو لە شاری هەولێر خەرج دەكرێت، كە ئەو پرۆژانە كاریگەریان لەسەر بەرزكردنەوەی ئاستی خزمەتگوزارییەكانی ئاوی شاری هەولێر دەبێت.

بە مەبەستی بایەخدانی زیاتر بە شەقام و كۆڵانەكان، شارەوانیی بەكرەجۆ بە هاوكاری بەشی ئامێرەكانی سەرۆكایەتیی شارەوانیی سلێمانی، پرۆژەی نۆژەنكردنەوەی شەقام و كۆڵانەكانی بەكرەجۆی دەستپێكرد كە تێیدا ژمارەیەك شەقام و كۆڵان نۆژەن و قیڕتاو دەكرێن.

شاندێكی باڵای رێكخراوی هابیتات، كە بەشێكە لە ئاژانسی نەتەوە یەكگرتووەكان (UN) سەردانی هەرێمی كوردستانیان كرد، كە ئامانج لە سەردانەكەیان مەبەستی پەرەپێدان و فراوانتركردنی پەیوەندی و ئاستی هاوكاری و هەماهەنگییەكانیانە لەگەڵ حكوومەتی هەرێمی كوردستان و وەزارەتی شارەوانی، وەزیری شارەوانی و گەشتوگوزاریش هاوكارییەكانی پێشووی رێكخراوەكە بەرز دەنرخێنێت كە بواری ماستەرپلان و گەشەپێدانی ئاوەدانیی هەرێمی كوردستاندا هاوكاریان پێشكەش بە حكوومەت كردووە.

بەگوژمەی زیاتر لە 85 ملیۆن دینار لەسەر 17%ی داهاتی ماوە، بەڕێوەبەرایەتیی ئاوی زاخۆ، ژمارەیەك پرۆژەی خزمەتگوزاریی ئاوی خواردنەوە لە قەزای زاخۆ جێبەجێ دەكرێن

لە دانیشتنێكی نێوان وەزیری شارەوانی و گەشتوگوزار  كونسوڵی كۆماری ئیسلامیی ئێران لە هەولێر، جەخت لە بەردەوامیی هەماهەنگیی نێوان هەرێمی كوردستان و كۆماری ئیسلامی دەكەنەوە.