ئەمڕۆ دووشەممە 2021/3/8 جەبار مستەفا سەرۆكی دەزگای گشتی كاروباری مین بەبۆنەی 8ی مارس رۆژی جیهانی ژنان لەگەڵ بەشێك لە فەرمانبەران و خانمان لە دەزگای مین كۆبوویەوە و پیرۆزبای لە سەرجەم خانمانی جیهان و كوردستان بەتایبەت كرد.

ئەمڕۆ یەک شەممە 2021/3/7 لەسەر فەرمانی جەمال جەلال بەرێوەبەری گشتی کاروباری مین /هەولێر، لە ناحیەی سمیلانی سەر بە قەزای چۆمان و لە چالی تایبەت بە تەقاندنەوە و بە پێی پێوەرە جیھانیەکانی کاروباری مین، تیمی لە ناوبردنی تەقەمەنییەکان بری 5927 پارچە لە مین و پاشماوەی تەقەمەنی جەنگی وەکو قۆناغی دووەم لەناوبرد.

ئەمڕۆ دووشەممە 2021/3/1 جەبار مستەفا سەرۆكی دەزگای گشتی كاروباری مین، بەشداری لە یەكەمین كۆبوونەوەی دانانی بنكەی زانیاری سەرچاوەی كراوە بۆ مین پاكی لە هەرێمی كوردستان كرد، كە لە ئۆفیسی رێكخراوی نێودەوڵەتی (iMMAP)رێكخرابوو. لە دەستپێكی كۆبوونەوەكەدا سەرۆكی دەزگای مین جەختی لە بەرەوپێشبردنی زیاتری بواری كاروباری مین كردەوە لە هەرێمی كوردستان و چۆنیەتی زاڵبوون بەسەر ئەو گیروگرفتانەی رۆژانە رووبەروومان دەبێتەوە، بەئامانجی زیاتر پاكسازی كردن لە كێڵگە مینەكان و پاككردنەوەی خاكی كوردستان لە مەترسیەكانی مین و تەقەمەنی و پاشماوە جەنگییە نەتەقیووەكان.

 دەزگای گشتی كاروباری مین سندوقی سكاڵا دادەنێت لە سەرۆكایەتی دەزگا و گشت  بەرێوەبەرایەتیەكان بۆ كارمەندانی هەمیشەی و گرێبەستی دەزگا و لەگەڵ سەرجەم ئەو كۆمپانیا و رێكخراوانەی بواری مین كە مۆڵەتیان لە دەزگای مین  هەیە و كاردەكەن لەوبوارە لە هەرێمی كوردستان.

سەرۆكی دەزگای گشتی كاروباری مین لە پای ئەو هەوڵ و كارە بەردەوامەی فەرمانگە و رێكخراوە نێودەوڵەتیانەی بواری كاروباری مین كە لە هەرێمی كوردستان كاردەكەن، سوپاس و پێزانینی دەزگای گشتی كاروباری مینی بەخشی بە كۆمەڵێك رێكخراوی نێودەوڵەتی لە هەرێمی كوردستان.

لیژنەی ڕادەستكردنەوەی زەوی پاككراوە لەمین و تەقەمەنی لە هەریەك لە بەرێوەبەرایەتی گشتی كاروباری مین/ سلێمانی و دهۆك و نوێنەری ڕێكخراوی (MAG) سێ كێلگە مین كە یەكێكیان لە پارێزگای سلێمانی و لە بەڕێوەبەرایەتی ناحیەی زەلانی سەر بە قەزای چوارتا بە ئامادەبوونی بەڕێوەبەری ناحیە و خاوەنی زەوییەكە لە دوای سەلامەتی لە بەكارهێنانی لە مەراسیمێكی شایستەدا لە ئۆفیسی بەڕێوەبەرایەتی ناحیەی چوارتا ڕادەستی خاوەنەكەی كرایەوە

تیمەكانی مینلابەری و تیمی تەقاندنەوە و لەناوبردن رۆژانە بەردەوامن لە پوچەڵكردنەوەو لە نابردنی ئەو مین و تەقەمەنیانەی كە دەبنە مەترسی لەسەر رێگای هاوڵاتیان.

ئەمرۆ20ی کانونی دووەم(یەنایەر)ی2021 بەسەرۆكایەتی بەرێز جەبار مستەفا سەرۆكی دەزگای گشتی كاروباری مین و ئامادەبوونی سەرجەم بەرێوەبەرەگشتیەكان و ئەندامانی ئەنجوومەنی كارگێڕی كۆبوونەوی ژمارە(1)ی ساڵی 2021 ئەنجامدرا.

ئەمرۆ18ی کانونی دووەم(یەنایەر)ی2021 جەبار مستەفا سەرۆكی دەزگای گشتی كاروباری مین بەیاوەری وەفدێك سەردانی عبدالله حاجی محمود وەزیری شەهیدان و ئەنفالكراوانی كرد.

ئەمرۆ 18ی کانونی دووەم(یەنایەر)ی 2021 دەزگای گشتی كاروباری مین لە كۆنگرەیەكی رۆژنامەوانیدا ئاماری كاروچالاكیەكانی 2020ی رادەگەیەنێـت.