وه‌زاره‌تی رۆشنبیری و لاوان، دۆخی ئێستاى ڕاگەیاندن و سۆشیاڵ میدیا لە هەرێمى کوردستاندا، لە ڕووى ئیتیکى رۆژنامەوانى و بەرپرسیارێتى کۆمەڵایەتیەوە، بە دۆخێکى نالەبار و خراپ وەسف ده‌كات، نموونه‌ی ئه‌مه‌شی به‌ ساتی خۆسووتاندنی پەناخوازێکی لەبەردەم بارەگاى نەتەوە یەکگرتووەکان لە شارى هەولێر هێنایه‌وه‌ كه‌ له ‌لایه‌ن چەند کەناڵێکى ڕاگەیاندن و سۆشیاڵ میدیاوه‌ به‌ شێوه‌یه‌كی ڕاسته‌وخۆ په‌خش كرا و هه‌موو ئه‌و كه‌ناڵانه‌ش ده‌خاته‌ بەردەم بەرپرسیارێتى یاسایی و کۆمەڵایەتییەوە.

ەم کابینەى حکومەتى هەرێمى کوردستان، هەردوو تەوەر و پرسى چاکسازى و خزمەتگوزارى هاوتاى یەکترى چوونەتە پێشەوە و ئەمەش واى کردووە کە وەزارەت و فەرمانگە و دەستەکان لە ڕەهەندە کارگێڕییەکەیاندا چالاکتر و تۆکمەتر بن.

ئه‌مڕۆ دوو شەممە ڕێکەوتى ٢٦/٤/٢٠٢١، ئازاد حەسەن ئەحمەد سەرۆکی داواکاری گشتی و حەمەی حەمەسەعید وەزیری ڕۆشنبیری و لاوان، لەبارەى كاری میدیایی و كاریگه‌رییه‌كانی له‌سه‌ر كۆمه‌ڵگه‌ کۆ بوونەوە.

وەزارەتی ڕۆشنبیری و لاوانی حکومەتی هەرێمی کوردستان به‌ بۆنه‌ی ڕۆژی جیهانیی كتێبەوە کە لە ساڵی ١٩٩٥ى زایینی لە لایەن ڕێکخراوی یونسکۆ دیارى کردووە، لە پەیامەکەیدا باسى لەوە کردووە کە هەموو توانای بۆ گرنگیدانى زیاتر بە کتێب و وەشاندن و فراوانترکردنی حەز و کلتووری خوێندنەوە لەناو کۆمەڵگه‌ی کوردستان بە گشتی و لاوان بە تایبەتی، تەرخان دەکات.

ڕۆژی چوارشەممە ٢٠٢١/٤/٢١ وەزارەتی رۆشنبیری و لاوانی حكومەتی هەرێمی كوردستان بە بۆنەی 123یـەمین ساڵوەگەڕی ڕۆژنامەگەری کوردییەوە پەیامێكی بڵاوكردەوە.

بە ئامادەبوونی حەمەی حەمە سەعید وەزیری ڕۆشنبیری ولاوان و نوێنەری سەرۆک کۆماری عێراق و پارێزگاری هەڵەبجەو بنەماڵەی دکتۆر مستەفا زەڵمی و چەندین کەسایەتی سیاسی و ڕۆشنبیری و لایەنی حکومی وحزبی، لە شارۆچکەی خورماڵ پەردە لەسەر پەیکەری(پڕۆفیسۆر مستەفا زەڵمی) لادرا.

وەزارەتی رۆشنبیری و لاوانی حکومەتی هەرێمی کوردستان بە نووسراوی فەرمیی ،هەرسێ کەناڵی ( کورد ماکس، نێت تی ڤی و کۆڕەک تی ڤی) ئاگادار کردۆتەوە ،هه‌ر سێ بەرنامەی ( شۆ مەگەزین) و ( نێت گرام) و ( نایت شۆ) رابگیرێن كه‌ له‌م كه‌ناڵانه‌ په‌خش ده‌كرێن.

ڕۆژی سێشەممە ٢٠٢١/٣/٣٠ حەمەی حەمە سەعید وەزیری ڕۆشنبیری و لاوان بە ئادەبوونی بریکاری وەزارەت ،پێشوازی لە (محەمەد وەجیە حیجازی ) کونسوڵی کۆماری میسر لە هەولێر کرد.

رۆژی شەممە ٢٠٢١/٣/٢٧ لە شاری سلێمانی و بە ئامادەبوونی حەمەی حەمە سەعید، وه‌زیری رۆشنبیری و لاوان و هەڤاڵ ئەبوبەکر پارێزگاری سلێمانی و نەقیبی سەندیکای هونەرمەندانی کوردستان، پەردە لەسەر پەیکەری شانۆکاری کۆچکردوو (غازی بامەڕنی) لادرا.

رۆژی پێنج شەممە ٢٥/٣/٢٠٢١ بە ئامادەبوونی حەمەی حەمەسەعید وەزیری رۆشنبیری و لاوان، هەفتەی رۆشنبیریی سلێمانی ، دەستی بەکارەکانی کرد.