دوای ئەوەی لە تۆمارێکی ڤیدیۆییدا خانمێک لە نێو یەکێک لە شەقامەکانى هەولێر لاپەڕەى دڕێندراوى قورئانى پیرۆز کۆ دەکاتەوە کە فڕێدراون، وەزارەتی ئەوقاف و کاروباری ئایینی حكومەتی هەرێمی كوردستان بە توندی ئیدانەی ھەر کار و کردەوەیەکی لەو شێوەیەى کرد و ئەم بە کارێکی ترسنۆکانە و تێکدەرانەی لەقەڵەم دا.

ڕۆژی دووشەممە ٢٠٢١/٤/١٢ بەڕێوەبەرایەتی گشتی حەج وعومرە لە وەزارەتی ئەوقاف و كاروباری ئایینی هەرێمی كوردستان ئاگادارینامەیەكی بڵاوكردۆتەوە.

لێژنەی باڵای بینینی مانگ لە وەزارەتی ئەوقاف وکاروباری ئایینی ئێوارەی سبەی یەک شەممە ١١⁄ ٤⁄ ٢٠٢١ بەھەماھەنگی لەگەڵ لێژنە لاوەکیەکانمان لەسەرجەم پارێزگاکانی ھەرێمی کوردستان کۆدەبێتەوە.

ڕۆژی ٢٠٢١/٤/٤ بەڕێوەبەرایەتی گشتی کاروباری ئايينى مەسیحیەکان لە وەزارەتی ئەوقاف و كاروباری ئایینی حكومەتی هەرێمی كوردستان ڕوونكردنەوەیەكی بڵاوكردەوە، كە ئەمە دەقەیەتی:

ڕۆژی ٢٠٢١/٤/١ بەڕێوەبەرایەتی گشتی حەج و عومرەی هەرێمی كوردستان سەبارەت بە گەشتی عومرە بۆ وڵاتی سعودیە ئاگادارییەكی بڵاوكردووەتەوە.

ڕۆژی چوارشەممە ٢٠٢١/٣/٣١ د.پشتیوان سادق، وەزیری ئەوقاف و كاروباری ئایینی حكومەتی هەرێمی كوردستان لە مەراسیمێکی شایستەدا بڕوانامەی بەخشییە ( ٤٠) قوتابی لەسەر ئاستی ھەرێمی کوردستان کە بەشداری خولی "زانستەکانی قیرائەی قورئانیان" کرد، كە بۆ ماوەی چەند ساڵێک بەردەوامی ھەبوو.

ڕۆژی سێشەممە ٢٠٢١/٣/٣٠ بە ئامادەبوونی شێخ ئیبراھیم بەرزنجی، بەڕێوەبەری ئیڕشادی ئایینی لە وەزارەتی ئەوقاف و كاروباری ئایینی حكومەتی هەرێمی كوردستان و نەبەز ئیسماعیل وتەبێژی وەزارەتی ئەوقاف و مامۆستا بەختیار بەڕێوەبەری پەیمانگای ئەزھەر، محەمەد وەجیه حیجازی، کونسوڵی کۆماری میسڕ لە هەولێر ژمارەیەک کتێبی زانستی شەرعی پەروەردەیی ئایینی بەخشییە کتیبخانەی پەیمانگای ئەزھەری سەر بە وەزارەتی ئەوقاف وکاروباری ئایینی هەرێمی كوردستان.

دوای وەستانی بۆ ماوەی زیاتر لە ساڵێک بەھۆی بڵاوبوونەوەی ڤایرۆسی کۆرۆنا، بەرەبەیانی ٢١⁄ ٣⁄ ٢٠٢١ یەکەمین گەشتی عومرەکانی کوردستان ئەنجام دەدرێت. گەشتەکە عومرەکارانی پارێزگای سلێمانیە و لە ٢٤ عومرەکار پێک دێت، دوای جێبەجێکردنی رێکارە تەندروستییەکان یەکەمین گەشتی عومرە لە فرۆکەخانەی سلێمانی پشتیوان بەخوا ئەنجام دەدرێت.

هاونیشتیمانیانى ئازیز به‌بۆنه‌ى هاتنه‌وه‌ى جه‌ژنى نه‌ته‌وه‌یى نه‌ورۆز و سه‌رى ساڵى تازه‌ى كوردى جوانترین چه‌پكه‌ گوڵ و نێرگزى به‌هارى نیشتیمانى ئازیزمان پێشكه‌شى خه‌ڵكى كوردستان ده‌كه‌ین، نه‌ورۆز وه‌رزى سه‌ركه‌وتن و به‌رخودانه‌، وه‌رزى ئاشتى و نوێبونه‌وه‌یه‌، ڕه‌مزى به‌ره‌نگاربوونەوەی سته‌م وداگیركارییە و په‌یامى سه‌ركه‌وتن و ئازادییە. 

ڕۆژی سێشەممە ١٦⁄ ٣⁄ ٢٠٢١ د.پشتیوان سادق، وەزیری ئەوقاف وکاروباری ئایینی حكومەتی هەرێمی كوردستان لە چوارچێوەی سەردانەکەی بۆ کۆماری میسڕ چاوی کەوت بە موفتی کۆماری میسڕ د.شەوقی عەلام، لە دیدارێکدا گفتوگۆ لە بارەی ھەماھەنگی نێوان ھەردوولا و برەودان بە پەیوەندییەکان دوپاتکرایەوە. دواتر موفتی کۆماری میسڕ سوپاسی ڕۆڵ و پێگەی ھەرێمی کوردستانی لە بڵاوکردنەوەی میانڕەوی و بەرەنگاربوونەوەی بیری توندڕەوی لە ناوچەکەدا و ڕۆڵی مامۆستایانی پایەبەرزی کوردستانی بە بەرزی نرخاند، دواتر تیشك خرایە سەر گرنگی ڕۆڵی پەیمانگای کوردستان بۆ وتارخوێنان و پڕۆژەکانی وەزارەتی ئەوقاف وکاروباری ئایینی. لە کۆتاییدا موفتی میسر ژمارەیەك پەڕتووکی زانستی شەرعی و فیقھی ئیسلامی بە دیاری بەخشییە مامۆستایانی بەڕێزی کوردستان.