وەزارەتى خوێندنى باڵا و توێژینەوەى زانستى ئەنجامى وەرگرتنى دەرچوانى دوانزەى ئامادەیى لە زانکۆ و پەیمانگە تایبەتەکانى هەرێمی کوردستان لە سەعات (8:30)ى ئەمشەو رادەگەیەنرێت، کە (14,394) قوتابى/خوێندکار لە زانکۆ و پەیمانگە تایبەتەکانى هەرێمی کوردستان وەرگیراون کە ئەمەش دەکاتە ڕێژەى تەنها(50%)ى پلانى وەرگرتن لە زانکۆ و پەیمانگە تایبەتەکان.

بەلەبەرچاوگرتنى بارودۆخى دارایى هاوڵاتیانى هەرێمى کوردستان، وەزارەتى خوێندنى باڵا و توێژینەوەى زانستى، کرێى خوێندن لە زانکۆ و پەیمانگە تایبەتەکان بەپێى ئەنجامەکانىڕێزبەندى نیشتیمانى زانکۆکانى کوردستان، بەڕێژەى (10 بۆ 20%) بۆ سەرجەم قۆناغەکانى خوێندنى ساڵى (2020-2021)کەمکردەوە.

وەزیرى خوێندنى باڵا و توێژینەوەى زانستى ڕایگەیاند لە ئەنجامى پێشکەشکردنى سکاڵا (3249) خوێندکاری دیکە لە زانکۆو پەیمانگەکان لە زانکۆکانى هەرێمى کوردستان وەرگیراون، بەم شێوەیەش کۆی وەرگیراوانى ئەمساڵى خوێندن لە زانکۆ و پەیمانگەکانی هەرێمی کوردستان گەیشتۆتە زیاتر لە (52800) خوێندکار و قوتابى.

لە ڕێوڕەسمێكدا، بەئامادەبوونی نوێنەری وەزارەتی خوێندنی باڵا و توێژینەوەی زانستی، لە زانكۆی سەڵاحەددین سەنته‌رێكی نوێی توێژینەوەی زانستی بەئامێر و تاقیگەی سەردەمیانە كرایەوە.

لە مەراسیمێكدا، كە بەئامادەبوونی د.محەمەد حوسێن نوێنه‌رى وه‌زاره‌تى خوێندنى باڵا و توێژینه‌وه‌ى زانستى و سەرۆکی دەزگای سەرپەرشتی و دڵنیایی جۆری و پ.د. جه‌وهه‌ر فه‌تاح سه‌عید سه‌رۆكى زانكۆى سه‌ڵاحه‌دین و یاریده‌رى سه‌رۆكى زانكۆ بۆ كاروبارى زانستى و راگرى كۆلیژى ئه‌ندازیارى و، سه‌رۆكى به‌شى فرۆكه‌وانى و مامۆستایان، بۆ یەكەمینجار به‌شى فرۆكه‌وانى له‌كۆلیژى ئه‌ندازیارى كرایه‌وه‌، ئه‌م به‌شه‌ بۆ جارى یه‌كه‌مه‌ له‌سه‌ر ئاستى زانكۆكانى كوردستاندا لە زانكۆی سەڵاحەددین ده‌كرێته‌وه‌.

حکومەتی ویلایەتە یەکگرتوەکانى ئەمریکا بۆ ساڵی (2021) لە چوارچێوەی بەرنامەی پەرەپێدانی مامۆستایان، بەرنامەی فول برایت بۆ مامۆستایان لە سەرانسەری عێراق بە هەرێمى کوردستانیشەوە لە بواری (Public Health) ڕادەگەیەنێت.

وەزیرى خوێندنى باڵا و توێژینەوەى زانستى هەڵوێستى مامۆستایان و فەرمانبەرانى زانکۆکانى کوردستان بەرز دەنرخێنێت کە لەپاڵ بڵاوبونەوەى پەتاى کۆڤید 19 و کاریگەرى لەسەر بوارى دارایى، نەیانهێشت پرۆسەى خوێندن بفەوتێت و شانیان دایە بەر بۆ سەرکەوتنى پرۆسەکە.

وەزیرى خوێندنى باڵا و توێژینەوەى زانستى لە سەردانى بۆ زانکۆى دهۆک لە مەراسیمێکدا کۆلێژى زانستە سیاسیەکانى کردەوە.

بەمەبەستى پێدانى دەرفەتى زیاتر بۆ پەسەندکردنى ئۆفەرى زانکۆکانیان، وەزارەتى خوێندنى باڵا و توێژینەوەى زانستى،فەرمانگەى پەیوەندییە رۆشنبیرییەکان، بەڕێوەبەرایەتى یەکسانکردنى بڕوانامەکان، بۆ ماوەى یەک هەفتە واتە لە ئەمڕۆوە (٢٠٢٠/١١/٥) وە تاکو (٢٠٢٠/١١/١٢) دەرفەت دەدرێت بۆ پەسەند (مۆر)کردنى ئۆفەرى زانکۆکانى دەرەوە لە بەڕێوەبەرایەتى یەکسانکردنى بڕوانامەکان

دوابەدوای هەڵسەنگاندنی هەمەلایەنەی (یاسای بنەماکانی یەکسانکردنی بڕوانامەکان) کە لە ٢٨/١٠/٢٠٢٠ لەلایەن ئەنجومەنی نوێنەرانی عراق دەنگی لەسەر درا، وەزارەتی خوێندنی باڵاو توێژینەوەی زانستی حکومەتی هەرێمی کوردستان ناوەرۆکی ئەو یاسایە ڕەتدەکاتەوەو پشتیوانی لە هەڵوێستی وەزارەتی خوێندنی باڵای حکومەتی فیدراڵ و کۆمەڵگەی ئەکادیمی عیراق و کوردستان دەکات.