ئەمڕۆ پێنجشەممە (12/5/2022) بە ئامادەبوونی ساسان عەونی وەزیری، شارەوانی و گەشتوگوزار، دەست بە كارەكانی هەمواركردنەوەی ماستەرپلانی شاری هەولێر كرا كە لەگەڵ ئاژانسی هەماهەنگیی نێودەوڵەتیی ژاپۆنی (جایكا) جێبەجێ دەكرێت.

بە گوژمەی ٥٢ ملیۆن دینار لە گوندی گەڤەركێ لە سنووری شارەوانیی ڕۆژئاوا، سەر بە سەرۆكایەتیی شارەوانیی دهۆك، دەست بە جێبەجێكردنی پڕۆژەیەكی كۆنكرێتكردن كرا، كە ئەم پڕۆژەیە بە دوو قۆناغ جێبەجێ دەكرێت.

 ئەمڕۆ پێنجشەممە بە مەبەستی زیادكردنی ڕێژەی سەوزایی لە سنووری شارەوانییەكە، لەلایەن تیمەكانی شارەوانیی ڕزگاری هەڵمەتێكی چاندنی نەمامی جۆراوجۆر لە جووتسایدی كەلار-ڕزگاری بەڕێوەچوو.

بە مەبەستی پاراستنی پاكوخاوێنی و ژینگەی شارۆچكەكە، هەڵمەتێكی گەورەی هەڵگرتنەوەی پاشماوە و خۆڵ و خاشاك لەنێو شارۆچكەی قەڵادزێ بەڕێوەچوو كە تێیدا خۆڵ و خاشاكێكی زۆر هەڵگیرایەوە و بۆ شوێنی تایبەت گواسترایەوە.

مەسرور بارزانی سەرۆكی حكومەتی هەرێمی كوردستان لەسەر بودجەی وەبەرهێنانی وەزارەتی شارەوانی و گەشتوگوزار، ڕەزامەندی دا بە خەرجكردنی گوژمەی نزیكەی 21 ملیار دینار بۆ جێبەجێكردنی پڕۆژەی پاراستنی بۆریی گوێزەرەوەی ئاوی ئیفراز 3 لە شاری هەولێر.

تیمی چاککردنەوەی شەقامەکانی بەڕێوەرایەتیی شارەوانیی شەش و كارگەی قیڕی سەر بە سەرۆکایەتیی شارەوانیی هەولێر پرۆسەكەیان بەڕێوەبرد كە تێیدا شکست و چاڵەکانی ڕێگای سەرەکی هەولێر – خەبات و گوێڕ چاككرانەوە، ئەمەش كارئاسانی بۆ هاتوچۆی شوفێران دەكات

وەزارەتی شارەوانی و گەشتوگوزار ڕەزامەندی دا بە خەرجكردنی نزیكەی ٧٠ ملیۆن دینار بۆ پڕۆژەی قیڕتاوكردنی شەقامەكانی گەڕەكی هەولێری نوێ لە شاری هەولێر و هاوكات ژمارەیەك پڕۆژەی دیكەش لە قۆناغی جێبەجێكردندان.

 تەنیا لە سەنتەری شاری هەولێر مانگانە زیاتر لە ٦٠ هەزار تۆن خۆڵ و خاشاك هەڵدەگیرێتەوە و لە زبڵخانەی كانی قڕژاڵەدا چارەسەر دەكرێت كە ڕۆژانە  نزیكەی ۱۳۰۰ کرێکار و ٦۰۰ ئامێری تایبەت پرۆسەكە بەڕێوە دەبەن.

پرۆسەی هەڵگرتنەوە و چارەسەركردنی خۆڵ و خاشاك لەپێناو خاوێنی و پاراستنی ژینگەی شار و شارۆچكەكان لەلایەن تیمەكانی شارەوانی و بە سەرپەرشتیی شارەوانییەكان بەردەوام بەڕێوە دەچێت و لە سنووری دەوروبەری سلێمانیش پرۆسەیەكی گەورەی خاوێنكردنەوە ئەنجامدرا.

لە سنووری بەڕێوەبەرایەتیی ئاوی سلێمانی، سەر بە بەڕێوەبەرایەتیی گشتیی ئاو و ئاوەڕۆی وەزارەتی شارەوانی و گەشتوگوزار، ڕۆژانە 246,923 مەتر سێجا ئاوی خواردنەوە بۆ هاوبەشانی ئاو لە سلێمانی بەرهەم دەهێنرێت.