ئەمڕۆ دووشەممە ١٦/٥/٢٠٢٢ لەلایەن تیمی چاککردنەوەی شەقامەکان لە بەڕێوەبەرایەتیی شارەوانیی دوو بە هاوکاریی کارگەی قیڕی شارەوانیی هەولێر هەڵمەتێكی نۆژەنکردنەوە و قیڕتاوکردن لە گەڕەکی کوێستان جێبەجێ كرا

ئەمڕۆ  دووشەممە ٢٠٢٢/٥/١٦ لەژێر چاودێریی سەرۆكایەتیی شارەوانیی حاجیاوا هەڵمەتێكی پاککردنەوەی بازاڕی حاجیاوا بەڕێوەچوو و تیایدا زیاتر لە 30 تۆن زبڵ و خاشاک و پاشماوەی دوكاندار و هاووڵاتییان کۆکرایەوە و بۆ شوێنی دیاریکراو گواسترایەوە.

ئەمڕۆ دووشەممە لە سنووری بەڕێوەبەرایەتیی ئاوی ڕاپەڕین، تیمەكانی بەشی دابەشكردن و چاكسازیی ئاوی ڕانیە، بۆریی گەیاندنی ئاویان لە گەڕەكی چوارچرا درێژ كردەوە كە بەهۆیەوە پرۆسەی گەیاندنی ئاو لەو گەڕەكە بۆ هاووڵاتییان باشتر دەبێت و چەندین ماڵیش لێی سوودمەند دەبن.

بەڕێوەبەرایەتیی ئاوی دەوروبەری گەرمیان ڕایگەیاند: كێشەی كەمئاوی و نەگەیشتنی ئاو بۆ ژمارەیەك ماڵ لە گەڕەكی گەرمیان لە ناحیەی ڕزگاری چارەسەر كرا كە ژمارەیەك ماڵ لەو پڕۆژەیە سوودمەند دەبن و گرفتی كەمئاوییان چارەسەر دەبێت

بە مەبەستی پاراستنی پاكوخاوێنی سنووری شارەوانیی سیتەك، تیمەكانی شارەوانی هەڵمەتێكی فراوانیان لە سنووری سیتەك ئەنجامدا و چەندین تۆن خۆڵ و خاشاك و پاشماوەی گەشتیاران هەڵگیرایەوە.

 لە مەیدانی ئاژەڵان لە هەولێر، هەڵمەتێكی گەورەی خاوێنكردنەوە بەڕێوەچوو كە نزیكەی ٥٥٠ تۆن خۆڵ و خاشاك و لاشەی ئاژەڵی مردارەوەبوو كۆكرایەوە و پاشان شوێنەكان بە خۆڵ داپۆشران

بۆ زیاتر خزمەتكردنی هاووڵاتییانی گوندی سێبەردان، لەلایەن وەزارەتی شارەوانی و گەشتوگوزارەوە گوژمەی نزیكەی ١٤٨ ملیۆن دینار بۆ جێبەجێكردنی پرۆژەیەكی ئەو گوندە خەرج دەكرێت.

بە مەبەستی جوانكردنی سیمای شەقامی سەرەكی ئیبراهیم خەلیل و ڕازاندنەوەی بە چاندنی گوڵ و زیادكردنی ڕێژەی سەوزایی لە شارەكە، تیمەكانی شارەوانیی زاخۆ دەستیان كرد بە كاركردن بۆ جێبەجێكردنی پرۆژەی ڕێكخستنەوەی شەقامەكە.

ئەمساڵ ژمارەیەكی زۆر لە گەشتیارانی ناوخۆ و پارێزگەكانی عێراق سەردانی ناوچە گەشتیارییەكانی قەزای چۆمانیان لە سنووری ئیدارەی سۆران كرد، تاڤگەی كانی بەست یەكێك لەو شوێنانەیە كە ئەمساڵ پێشوازی لە ژمارەیەكی زۆر گەشتیار كرد 

بە مەبەستی پەرەپێدانی پڕۆژە خزمەتگوزارییەكانی شاری دهۆك، تیمەكانی شارەوانی دهۆك بە گوژمەی  ٦٠ ملیۆن دینار دەستیان كرد بە جێبەجێكردنی پڕۆژەیەكی ڕێكخستنی شەقام و قیڕتاوكردن لە ماسیكێ.