تەنیا لە سێ ڕۆژی جەژندا زیاتر لە 138 هەزار گەشتیاری ناوخۆ و عێراقی سەردانی سەنتەری شاری هەولێریان كرد و زیاتر لە 1700 شوێنی مانەوە و نووستنیان بۆ دابین كرا.

دوای ئەوەی ژمارەیەكی یەكجار زۆر لە گەشتیارانی ناوخۆیی و پارێزگەكانی عێراق سەردانی گۆمی فێڵاویان لە سنووری چۆمان كرد، لەلایەن بەشێك لە گەشتیارانەوە گۆمەكە پیس كرا، دەمودەست  گەشتوگوزاری چۆمان لە ڕێگەی چەندین كرێكارەوە گۆمەكە و دەوروبەریان خاوێنكردەوە.

لە دووەم ڕۆژی جەژندا ژمارەیەکی زۆری گەشتیاران ڕوویان لە شارۆچکەی دووکان کرد بۆ بەسەربردنی کاتێکی خۆش لە شوێنە گەشتیاری و لەنێو ژینگەی جوانی دووکاندا کە ساڵانە گەشتیارێکی زۆر سەردانی دەکەن.

بەهۆی بایەخدانی حكومەتی هەرێمی كوردستان بە سێكتەری گەشتوگوزار و ڕێكارەكانی وەزارەتی شارەوانی و گەشتوگوزار بە مەبەستی ئاسانكاری بۆ گەشتیاران و پێشكەشكردنی خزمەتگوزاری لە بازگە و شوێنە گەشتیارییەكان، ئەمساڵ ژمارەیەكی زۆر گەشتیار هاتنە هەرێمی كوردستان.

ئەمڕۆ 4/4/2022 لە سێیەم ڕۆژی جەژندا نزیكەی 20 هەزار گەشتیاری ناوخۆی كوردستان و پارێزگەكانی عێراق، سەردانی گەلی عەلی بەگ و ناوچە گەشتیارییەكانی سۆرانیان لە سنووری پارێزگەی هەولێر كردووە و هەتا دێت ژمارەی گەشتیاران ڕوو لە هەڵكشان دەكات.

ئەمڕۆ لە سنووری سەرۆكایەتیی شارەوانیی هەولێر لەلایەن تیمەكانی شارەوانی و بەڕێوەبەرایەتیی خزمەتگوزاری و ژینگەپارێزی لە پرۆسەكدا كە زیاتر لە هەزار کرێکار و ٦۰۰ ئامێرەكانی شارەوانی تێیدا بەشداربوون، نزیكەی دوو هەزار تۆن خۆڵ و خاشاك هەڵگیرایەوە.

لە یەکەم و دووەم ڕۆژی جەژندا ژمارەیەکی زۆر لە گەشتیاران و هاووڵاتییانی هەرێمی کوردستان سەردانی ناوچە گەشتیارییەکانی هەرێمی کوردستانیان کرد، هەروەها ژمارەیەكی زۆریش لە گەشتیاران سەردانی پارك و شوێنە گەشتیارییەكانی هەولێریان كرد و خزمەتگوزاری باشیان پێشكەش كرا

ئێوارەی ئەمڕۆ لە دووەم ڕۆژی جەژندا، بەڕێوەبەرایەتیی گەشتوگوزاری چۆمان بە هەماهەنگیی لەگەڵ دامودەزگەكانی سنوورەكە، ئاهەنگێكی گەورە لە گۆمی فێڵاو كە ناوچەیەكی گەشتیارییە ساز دەكات.

ئەمڕۆ سەرەڕای ئەوەی پشووی فەرموو بوو، هاوكات لە یەكەم ڕۆژی جەژندا تیمەكانی شارەوانی و ژینگەپارێزی سەر بە سەرۆكایەتیی شارەوانیی هەولێر هەڵمەتێكی فراوانی خاوێنكردنەوەی پارك و باخچە و بازاڕ و شوێنە گشتییەكان بەڕێوەبرد.