ڕۆژی دووشەممە ٢٩⁄ ٣⁄ ٢٠٢١ د.پشتیوان سادق، وەزیری ئەوقاف و کاروباری ئایینی حكومەتی هەرێمی كوردستان بە یاوەری زەینەدین مەولود، بریکاری وەزیر سەردانی بەڕێوەبەرایەتی گشتی ئەوقافی پارێزگای دھۆکی کرد

ڕۆژی دووشەممە ٢٠٢١/٣/٢٩ د.پشتیوان سادق، وەزیری ئەوقاف و کاروباری ئایینی حكومەتی هەرێمی كوردستان بە یاوەری زەینەدین مەولود، بریکاری وەزیر و بەرپرسانی وەزارەت، سەردانی بابەشێخی ئێزیدیانی لە پارێزگای دھۆک کرد.

ڕۆژی یەكشەممە ٢٨/٣/٢٠٢١ د.پشتیوان سادق، وەزیری ئەوقاف وکاروباری ئایینی حكومەتی هەرێمی كوردستان پشێوازی کرد لە دەنگخۆش وقورئانخوێنی ناسراو مامۆستا رەعد کوردی.

ڕۆژی یەكشەممە ٢٠٢١/٣/٢٨ ڕاگەیاندنی وەزارەتی ئەوقاف و كاروباری ئایینی هەرێمی كوردستان ڕایگەیاند: سەرجەم کەناڵەکانی تەلەفزیۆن و دەزگا ڕاگەیاندنەكان ئاگادار دەکەینەوە، کە ڕاگەیاندنی وەزارەت بەرنامەی وتاری ئایینی مامۆستایان تایبەت بە مانگی ڕەمەزانی پیرۆزى بە کوالێتی بەرز و بەبێ (لۆگۆ) ئامادەکردووە.

کاتژمێر ٤ی بەرەبەیانی ئەمڕۆ شەممە ٢٧⁄ ٣⁄ ٢٠٢١ دوای زیاتر لە ساڵێك وەستانی بەهۆی بڵاوبوونەوەی ڤایرۆسی كۆڕۆنا لە جیهان، دووەمین کاروانی گەشتی عومرەکارانی هەرێمی كوردستان لە فڕۆكەخانەی نێودەوڵەتی هەولێر بەرەو شاری جدەی سعوودیە ئەنجام درا.

دوای وەستانی بۆ ماوەی زیاتر لە ساڵێک بەھۆی بڵاوبوونەوەی ڤایرۆسی کۆرۆنا، بەرەبەیانی ٢١⁄ ٣⁄ ٢٠٢١ یەکەمین گەشتی عومرەکانی کوردستان ئەنجام دەدرێت. گەشتەکە عومرەکارانی پارێزگای سلێمانیە و لە ٢٤ عومرەکار پێک دێت، دوای جێبەجێکردنی رێکارە تەندروستییەکان یەکەمین گەشتی عومرە لە فرۆکەخانەی سلێمانی پشتیوان بەخوا ئەنجام دەدرێت.

هاونیشتیمانیانى ئازیز به‌بۆنه‌ى هاتنه‌وه‌ى جه‌ژنى نه‌ته‌وه‌یى نه‌ورۆز و سه‌رى ساڵى تازه‌ى كوردى جوانترین چه‌پكه‌ گوڵ و نێرگزى به‌هارى نیشتیمانى ئازیزمان پێشكه‌شى خه‌ڵكى كوردستان ده‌كه‌ین، نه‌ورۆز وه‌رزى سه‌ركه‌وتن و به‌رخودانه‌، وه‌رزى ئاشتى و نوێبونه‌وه‌یه‌، ڕه‌مزى به‌ره‌نگاربوونەوەی سته‌م وداگیركارییە و په‌یامى سه‌ركه‌وتن و ئازادییە. 

ڕۆژی سێشەممە ١٦⁄ ٣⁄ ٢٠٢١ د.پشتیوان سادق، وەزیری ئەوقاف وکاروباری ئایینی حكومەتی هەرێمی كوردستان لە چوارچێوەی سەردانەکەی بۆ کۆماری میسڕ چاوی کەوت بە موفتی کۆماری میسڕ د.شەوقی عەلام، لە دیدارێکدا گفتوگۆ لە بارەی ھەماھەنگی نێوان ھەردوولا و برەودان بە پەیوەندییەکان دوپاتکرایەوە. دواتر موفتی کۆماری میسڕ سوپاسی ڕۆڵ و پێگەی ھەرێمی کوردستانی لە بڵاوکردنەوەی میانڕەوی و بەرەنگاربوونەوەی بیری توندڕەوی لە ناوچەکەدا و ڕۆڵی مامۆستایانی پایەبەرزی کوردستانی بە بەرزی نرخاند، دواتر تیشك خرایە سەر گرنگی ڕۆڵی پەیمانگای کوردستان بۆ وتارخوێنان و پڕۆژەکانی وەزارەتی ئەوقاف وکاروباری ئایینی. لە کۆتاییدا موفتی میسر ژمارەیەك پەڕتووکی زانستی شەرعی و فیقھی ئیسلامی بە دیاری بەخشییە مامۆستایانی بەڕێزی کوردستان.

ڕۆژی چوارشەممە ٢٠٢١/٣/١٧ د.پشتیوان سادق، وەزیری ئەوقاف وکاروباری ئایینی حكومەتی هەرێمی كوردستان لە درێژەی سەردانەكەی بۆ وڵاتی میسڕ چاوی كەوت بە ئەنبا دانیال ئەسقەف، سکرتێری کۆمەڵەی مەقدیس و ژمارەیەک لە بەرپرسان و کریستیانەکانی قاهیرەی پایتەخت.

ئەمڕۆ سێ شەممە ٢٠٢١/٣/١٦ لەچوارچێوەی سەردانەکەیدا بۆکۆماری میسر، د.پشتیوان سادق وەزیری ئەوقاف وکاروباری ئایینی چاوی کەوت بەشێخی ئەزھەر د.احمد طیب