بە ئامادەبوونی ساسان عەونی وەزیری شارەوانی و گەشتوگوزار، و د. عەلی تەتەر پارێزگاری دهۆک وکلێمنس سەمنتەر کونسوڵی گشتیی کۆماری فیدراڵی ئەڵمانیا، وئۆلیڤەر دیکۆتیگنەس کونسوڵی گشتیی کۆماری فەرەنسا، بەڕێوەبەرانی ڕێکخراوی GIZی ئەڵمانی، پرۆژەی ئاوی فایدە لە پارێزگەی دهۆک کرایەوە.

رێژەی بەرهەمهێنانی ئاو لە 1500 مەتر سێجای ڕۆژانەوە بۆ 3200 مەتر سێجا بەرز دەكرێتەوە

وێڕای قەیرانی دارایی، سەرۆكایەتی و بەڕێوەبەرایەتییە شارەوانییەكانی سەر بە وەزارەتی شارەوانی و گەشتوگوزار لە سەرجەم شار و شارۆچكەكان بەردەوامن لە جێبەجێكردن و پرۆژەی نوێ بەمەبەستی خزمەتكردنی زیاتری هاووڵاتییان، پرۆژەكانیش جۆراوجۆرن و ئەولەویەتیش بۆ ئەو پرۆژانەن راستەوخۆ پێویستی هاووڵاتییان، وەك ئاو و ئاوەڕۆ و دروستكردنی شەقام و نۆژەنكردنەوە و قیڕتاوكردن و خاوێنكدرنەوە و ژینگەسازی و فراوانكردنی رووبەری سەوزایی.