تەنیا لە ماوەی شەش مانگی ئەمساڵدا بەشی باخچەكانی شارەوانیی سەرقەڵا زیاتر لە 30 هەزار گوڵ و نەمامی بەرهەمهێناوە و بەهۆیەوە ڕێژەی سەوزایی لە سنوورەكەدا بۆ 7% بەرزبووەتەوە.

وەزارەتی شارەوانی و گەشتوگوزار لە چەند فەرمانێكیدا بڕیاریدا بە خەرجكردنی گوژمەی (378,760,000) دینار بۆ دابینكردنی قیڕی شل بۆ كارگەی قیڕی شارەوانی لە تانجەرۆ.

 وەزارەتی شارەوانی و گەشتوگوزار گوژمەی ٢٦٢ ملیۆن و ٧٥ هەزار دینار، بۆ دروستكردنی شەقام لە سنووری شارەوانیی كەلار خەرج دەکات و ئەو گوژمەیەش لەسەر ڕێژەی ١١٪ی فرۆشتنی زەویی ڕوكنی شارەوانی لەسەر پلانی ساڵی ٢٠٢٢ بەپێی ڕێنماییەكانی دارایی تایبەت بە داهات خەرج دەكرێت.

وەزیری شارەوانی و گەشتوگوزار و بەڕێوەبەری گشتیی ئۆفیسی ئاژانسی جایكای ژاپۆن لە عێراق پەرەپێدانی كەرتی گەشتوگوزار تاوتوێ دەكەن و جەخت لە كاركردنی پێكەوەیی دەكەنەوە.

لەسەر بودجەی ئاسایی وەزارەتی شارەوانی و گەشتوگوزار ڕەزامەندی درا لەسەر خەرجكردنی گوژمەی ٩٩٩ ملیۆن و ٨٢١ هەزار و ١٨٠ دینار بۆ ڕووبەڕووبوونەوەی وشكەساڵی و چارەسەركردنی كێشەی كەم ئاوی لە قەزای كۆیە و دەوروبەری.

لە شەش مانگی سەرەتای ئەمساڵدا لە سنووری شارەوانی دهۆک  ٥٥ پرۆژەی خزمەتگوزاری تەواوكراون و ٢٠ پرۆژەش لە پلانی جێبەجێكردندان.

وەزیری شارەوانی و گەشتوگوزار تەواوبوونی پرۆژەی گۆڕینی تۆڕی ئاوی خواردنەوەی ژمارەیەك گەڕەكی میللی و بەهێزكردنی پرۆژەی ئاوی ئیفراز سێیی شاری هەولێر ڕادەگەیەنێت و دەشڵێت ئاوی قورسی شاری هەولێر چارەسەر دەكرێت.

بە سەرپەرشتیی وەزیری شارەوانی و گەشتوگوزار كۆبوونەوەیەكی تایبەت بە پلانی پێشخستنی سێكتەری گەشتوگوزار و گفتوگۆكردن لەبارەی بڕیاری كۆبوونەوەی ژمارە (83)ی ئەنجوومەنی وەزیران كە تایبەت بوو بە سێكتەری گەشتوگوزار، بەڕێوەچوو.

وەزیری شارەوانی و گەشتوگوزار پێشوازی لە کونسوڵی گشتیی ئەمەریكا بە وەکالەت و شاندێكی یاوەری كرد، لە دیدارەكەدا كاركردنی كۆمپانیا ئەمەریكییەكان و هاوكاری و پەرەپێدانی هەماهەنگییەكان تاوتوێ كران.