ئەمرۆ چوارشەممە 27/1/2021 بە نوێنەرایەتی وەزارەتی داد، کرمانج عوسمان،راوێژکاری وەزارەتی داد بۆ کاروباری نێودەوڵەتی، بەشدار بوو لە کۆبوونەوەی راگەیاندنی پرۆژەی پاراستنی ماف، کە لەلایەن رێکخراویهارتزلاندەوە بەڕێوەبرا.

بۆ ناساندنی رەهەندە نێودەوڵەتی و ناوخۆییەکانی مافەکانی مرۆڤ و چۆنێتی جێبەجێکردن و میکانیزمی پاراستنی مافەکانی مرۆڤ و رۆڵی حکومەت و دامەزراوەکانی و رێکخراوەکانی کۆمەڵگەی مەدەنی لەو بوارەدا، وۆرک شۆپێک بەڕێوەدەچێت.

ئەمڕۆ 16ی تشرینی دووەم (نۆڤەمبەر)ی 2020، فرسەت ئەحمەد وەزیری داد پێشوازی لە نەزمی حەزووری، کونسوڵی گشتی دەوڵەتی فەڵەستین لە هەرێمی کوردستان کرد.

وەزارەتی داد بە ھاوکاری رێکخراوی تواناسازی ئافرەتان، سەرقاڵی ئامادەکردنی پلانی سیاسەتێکە بۆ یەکسانی فەرمانبەرانی ئافرەتان و پیاوان لە وەزارەتی داد، پاش زنجیرەیەک کۆبوونەوەی ھاوبەش.

ئەمڕۆ دووشەمە ٢٦ی تشرینی یەكەم (ئۆكتۆبەر)ی ٢٠٢٠، لە دیوانی وەزارەت فرسەت ئەحمەد، وەزیری داد لەگەڵ کەریم خان، سەرۆکی تیمی نەتەوە یەکگرتووەکان بۆ کۆکردنەوەی بەڵگەی تاوانەکانی داعش (یونیتاد) و شاندێکی هاوڕێی کۆبوەوە.

وەزیری داد دووپاتی کردەوە دامەزراندنی دادگایەکی نێودەوڵەتی بۆ دادگاییکردنی تاوانبارانی داعش کارێكی گرنگە وجیاوازییەکی زۆری دەبێت بڕیارەکانی دادگا لەسەر تاوانەکانی داعش لەلایەن داگایەکی نێودەوڵەتییەوە بێت.

رۆژی سێشەمە ٢١-٧-٢٠٢٠، لە ھۆڵی کۆبوونەوەکانی دیوانی وەزارەتی داد، یەکەمین کۆبوونەوەی ئامادەکاری بۆ دانانی سیاسەتێک بەڕێوە چوو، کە تایبەت دەکرێت بە یەکسانی جێندەری نێوان ئافرەتان و پیاوان لە ئەرک و مافدا لە چوارچێوەی دامودەزگاکانی سەربە وەزارەتی دادی حکومەتی ھەرێمی کوردستان .

- دادوەری داواکاری گشتی / بەدەردین کەریم : ھەرچەندە وەزارەتی داد یەکێکە لەو وەزارەتانەی کە رێژەی فەرمانبەری ئافرەتی زۆر باشە و لە ٤٧% ی تەواوی فەرمانبەرانی پێک دەھێنێت، بەڵام ئامانجمان بەھێزکردنی رۆڵی سەرکردایەتیانەی ئافرەتانە"