لە چوارچێوەی (Indian Technical and Economic Cooperation Program) حکومەتی هیندستان ژمارەیەک کۆرسى ڕاهێنان بۆ قوتابیان و خوێندکارانى نێودەوڵەتى و فەرمانبەران و مامۆستایانى هەردو کەرتى (گشتى- تایبەت) بەم شێوەیەى خوارەوە ڕادەگەیەنێت.

وەزیرى خوێندنى باڵا و توێژینەوەى زانستى لە کۆبوونەوەى لەگەڵ سەرۆکى زانکۆى باکوورى قەوقازى ڕووسیا، جەختى لە پەرەپێدانى هەماهەنگیی زانستى و ئەکادیمى لە نێوان زانکۆکانى کوردستان و وڵاتى ڕووسیا کردەوە.

بە سەرپەرشتیی وەزیرى خوێندنى باڵا و توێژینەوەى زانستى، شێواز و پلانەکانى وەرگرتن و گواستنەوەو دابەزینى خوێندکاران/ قوتابیان لە زانکۆ و پەیمانگە حکومییەکانى هەرێمى کوردستان بۆ ساڵى نوێى خوێندن تاووتوێ کرا.

بەمەبەستى پەرەپێدانى بوارى زانستى و ئەکادیمى و ئاڵوگۆرى مامۆستایان و قوتابیان و خوێندکاران، وەفدێکى زانکۆى (Dundee) دەندى بەریتانى سەردانى وەزارەتى خوێندنى باڵا و توێژینەوەى زانستى کردو لەگەڵ ستافى وەزارەت کۆبۆوە.

وەزیرى خوێندنى باڵا و توێژینەوەى زانستى ڕایگەیاند: گەشەکردنى ئابورى، سیاسى و کۆمەڵایەتى هەرێمی کوردستان دەبێت پشت بەتوێژینەوەى زانستى ببەستێت، بۆیە ئێستا لە هەمو کات زیاتر سێکتەرە جیاوازەکانى هەرێمەکەمان و کێشەکانمان پێویستى بەڕێنوێنى توێژەرەکانمانە.

وەزیرى خوێندنى باڵا و توێژینەوەى زانستى لە مەراسیمێکدا، بەردى بناغەى باڵەخانەی تاقیگەکانى لە کۆلێجی تەکنەلۆجی زانکۆی پۆلیتەکنیکی هەولێر دانا.

وەزیرى خوێندنى باڵا و توێژینەوەى زانستى ڕایگەیاند: با ئەو پەیامە بەڕونی بگات، کەنەزاهەى تاقیکردنەوەکانى توانستى زانستى ماستەر و دکتۆرا هێڵى سورە.

بۆ یەکەمین جارە سەرۆکى دامەزراوەى  DAADى ئەڵمانى سەردانى هەرێمى کوردستان دەکات و لەکۆبونەوەیدا لەگەڵ وەزیرى خوێندنى باڵا، بڕیاریدا هاوکارى وەزارەتى خوێندنى باڵا بکات بۆ ئەوەى هەرێمى کوردستان بەفەرمى لەناوچەى خوێندنى باڵاى ئەوروپا تۆماربێت.