دواى هەوڵەکانى وەزارەتى خوێندنى باڵا و توێژینەوەى زانستى حکومەتى هەرێمى کوردستان لەگەڵ لایەنە پەیوەندارەکان بەتایبەت لێژنەى باڵاى ڕوبەڕوبونەوەى پەتاى کۆرۆنا، بە سوپاس و پێزانیەوە وەزارەتى تەندروستى نوسراوى پێویستى ئاراستەى سەرجەم لایەنە پەیوەندارەکان کردوە تیایدا بڕیاردراوە بە لێخۆشبونى خوێندکاران و قوتابیان لە وەرگرتنى خەرجى پسولەى پشکنینى تاقیگەیى بۆ ڤایرۆسى کۆرۆنا لە فرۆکەخانەو دەروازە سنورییەکان، بەمەرجێک بەڵگەنامەیەک کە قوتابى بونى لە دەرەوەى وڵات پشتڕاست بکاتەوە.

به‌مه‌به‌ستی دروستکردنی ژینگه‌یه‌کی ته‌ندروست و ڕه‌خساندنی که‌شێکی سه‌لامه‌ت بۆ سه‌رجه‌م خوێندکاران و قوتابیان له‌ به‌شه‌ ناوخۆییه‌کان، ڕێنمایی ته‌ندروستی پێشکه‌ش به‌ به‌ڕێوه‌به‌ری به‌شه‌ ناوخۆییه‌کان کرا.

بەئامانجى کارئاسانیکردن بۆ خوێندکارانى کەرکوک و ناوچە كوردستانیەكانی دەرەوەی هەرێم، لەسەر ڕاسپاردەى وەزیرى خوێندنى باڵا و توێژینەوەى زانستى، بڕیاردرا وەک ساڵانى پێشوو سەرجەم خوێندکارى کەرکوک و ناوچە كوردستانیەكانی دەرەوەى ئیدارەى هەرێم کە ژمارەیان (731) خوێندکارە لە زانکۆکانى هەرێمى كوردستان وەربگیرێن.

پاڵپشت بە بڕیارى ئەنجومەنى وەزارەت و هەردو فەرمانى وەزارى ژمارە (788) لە 2020/10/15 و ژمارە (12332) لە 2020/11/15 وەزارەتى خوێندنى باڵا و توێژینەوەى زانستى ئاگادارى خوێندکاران و قوتابیانى زانکۆى سترادفۆردى ئەمریکی – لقى هەولێر (پێشو) دەکاتەوە کە تاکو ئێستا (160) خوێندکارى ئەو زانکۆیە سەردانى وەزارەتیان کردوەو فۆڕمى هەڵوەشاندنەوەى خوێندن و گواستنەوەى خوێندنیان پڕ کردۆتەوە، بەڵام ژمارەیەکى دیکەى قوتابیانى ئەو زانکۆیە سەردانى وەزارەتیان نەکردوە.

وەزارەتى خوێندنى باڵا و توێژینەوەى زانستى ئەنجامى تاقیکردنەوەى خولەکانى توانستى زمانى ئینگلیزى لە زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى ڕادەگەیەنێت.

هەولێر ، هەرێمی كوردستان عیراق (GOV.KRD) - ئەمڕۆ سێشەممە 1ی كانونی یەكەم (دیسەمبەر)ی 2020، د.عەبدولفەتاح عەبدولرەزاق بریکارى وەزارەت پێشوازیکرد لە سەلوا ناکۆزى بەرپرسى بەشى هەماهەنگى و کولتورى لە باڵیۆزخانەى فەرەنسا لە عێراق و شاندێكی یاوەرى.

وەزارەتى خوێندنى باڵا و توێژینەوەى زانستى زەمالەى خوێندنى باڵا ماستەر/دکتۆرا لە وڵاتى هەنگاریا بۆ ساڵى خوێندنى (٢٠٢١-٢٠٢٢) ڕادەگەیەنێت، کە لە چوارچێوەى ڕێكه‌وتنامه‌ی نێوان وه‌زاره‌تی خوێندنی باڵاى هه‌رێمی كوردستان و، وه‌زاره‌تی توانسته‌ مرۆییه‌كانی هه‌نگاریا ساڵانە (٣٠) سكۆله‌رشیپ بۆ فێرخوازان و هاوڵاتیانی هەرێمی کوردستان ڕاده‌گه‌ێنێت.

وەزارەتى خوێندنى باڵا و توێژینەوەى زانستى لە ڕێگەی بەشدارى پێکردنى ئەکادیمیستان و مامۆستایانى زانکۆکانی کوردستان پشتیوانی لە هەوڵەکانی ڕێکخەرى ڕاسپاردە نێودەوڵەتییەکان لە حکومەتى هەرێمى کوردستان دەکات بۆ هەماهەنگی زانستی لەگەڵ ڕێکخراوە نێودەوڵەتیەکان.

وەزارەتى خوێندنى باڵا و توێژینەوەى زانستى ئەنجامى وەرگرتنى دەرچوانى دوانزەى ئامادەیى لە زانکۆ و پەیمانگە تایبەتەکانى هەرێمی کوردستان لە سەعات (8:30)ى ئەمشەو رادەگەیەنرێت، کە (14,394) قوتابى/خوێندکار لە زانکۆ و پەیمانگە تایبەتەکانى هەرێمی کوردستان وەرگیراون کە ئەمەش دەکاتە ڕێژەى تەنها(50%)ى پلانى وەرگرتن لە زانکۆ و پەیمانگە تایبەتەکان.

بەلەبەرچاوگرتنى بارودۆخى دارایى هاوڵاتیانى هەرێمى کوردستان، وەزارەتى خوێندنى باڵا و توێژینەوەى زانستى، کرێى خوێندن لە زانکۆ و پەیمانگە تایبەتەکان بەپێى ئەنجامەکانىڕێزبەندى نیشتیمانى زانکۆکانى کوردستان، بەڕێژەى (10 بۆ 20%) بۆ سەرجەم قۆناغەکانى خوێندنى ساڵى (2020-2021)کەمکردەوە.