وەزارەتی شارەوانی و گەشتوگوزار بە جیا گوژمەی بۆ جێبەجێكردنی ژمارەیەك پڕۆژەی خزمەتگوزاری بۆ سنووری پێنج شارەوانیی دەوروبەری هەولێر خەرج كرد.

بە مەبەستی پەرەپێدانی سێكتەری شوێنەوار و پاراستنی شوێنە دێرین و شوێنەوارییەكان لە هەرێمی كوردستان، لەسەر بودجەی وەزارەتی شارەوانی و گەشتوگوزار قشڵەی ئاكرێ نۆژەن دەكرێتەوە.

بڕیاری لێخۆشبوونی ١٥٪ی قەرزی ئاو لە سەرتاسەری هەرێمی كوردستان تاوەكوو٦ی حوزەیرانی ٢٠٢٢ بەردەوامە و ئێستاش بنكەكانی كۆكردنەوەی داهات و فەرمانگە و بەڕێوەبەرایەتییەكانی ئاو لە پێشوازی هاووڵاتییاندان.

بە گوژمەی ١٠٣ ملیۆن دینار و لەسەر داهاتی سەرۆكایەتیی شارەوانیی دهۆك، تیمەكانی شارەوانی دەستیان كرد بە جێبەجێكردنی پرۆژەی نۆژەنكردنەوە و قیڕتاوكردنی شەقامی جەوازاتین كەڤین لە سنووری شارەوانیی ڕۆژئاوای دهۆك.

بە مەبەستی باشتر ڕاییكردنی كاروباری هاووڵاتییان و دامودەزگەكانی شارەوانی لە سنوورەكە، مەسرور بارزانی، سەرۆكی حكوومەتی هەرێمی كوردستان، لەسەر میلاكی وەزارەتی شارەوانی و گەشتوگوزار، بڕیاریدا بە كردنەوەی بەڕێوەبەرایەتیی گشتیی شارەوانییەكانی ڕاپەڕین.

بە مەبەستی پەرەپێدانی پرۆسەی بەرهەمهێنان و دابەشكردنی ئاوی خواردنەوە لە سنووری سێمێل، ئامێدی، بەردەڕەش و شێخان، وەزارەتی شارەوانی و گەشتوگوزار ڕەزامەندی نیشان دا بە خەرجكردنی گوژمەیەك بە بڕی زیاتر لە ٨٦  ملیۆن دینار.

ساسان عەونی، وەزیری شارەوانی و گەشتوگوزار، لەگەڵ نوێنەرانی خاوەن زەوییەكانی كەرتی هەشتی حەسارۆک كۆبووەوە و پێی ڕاگەیاندن سەرەتا ئاوی خاوێن، ئاوەڕۆ، شەقامە سەرەكییەكان، كارەبا و پاشان هەموو خزمەتگوزارییەكانی دیكە بۆ کەرتی 8 ی حەسارۆک دابین دەکەین.

وەزارەتی شارەوانی و گەشتوگوزار گوژمەی 92,204,940 دینار بۆ بەڕێوەبەرایەتیی ئاوی سلێمانی خەرج دەكات، كە بەهۆیەوە گرفتی كەمئاوی لە گەڕەكی نەورۆز لە شارەكە چارەسەر دەكات.